შინაგან საქმეთა სამინისტროს განცხადებით, ბასიანის დამფუძნებელი, ზვიად გელბახიანი და აქტივისტი დავთო ლაღიძე პოლიციამ გადამოწმების მიზნით გადაიყვანა. მათივე თქმით, ორივე მათგანი ამ ეტაპისთვის თავისუფალია.

გელბახიანისა და ლაღიძის დაკავების შესახებ ინფორმაცია 12 მაისს, ღამის საათებში გავრცელდა. თეთრი ხმაურის მოძრაობის ლიდერი, ბექა წიქარიშვილი ამბობდა, რომ ორი მათგანი სხვა პირების ჩხრეკას გამოესარჩლნენ, რის გამოც დააკავეს. ფეისბუქში გავრცელებულ ვიდეოში ისმის, როგორ ეუბნება პოლიციელი ზვიად გელბახიანს, რომ ხელის შეშლის გამო აკავებს.

"დათო ლაღიძე და ზვიად გელბახიანი დააკავეს ჩემი და ლაშას თვალწინ მხოლოდ იმიტომ, რომ გამოგვესარჩლნენ ოპერებთან საუბარში", — წერს გურამ შევარდნაძე-მაცხონაშვილი.