ეკა ბესელია საინიციატივო ჯგუფთან ერთად მოსამართლეთა უვადოდ არჩევის წესის შესაცვლელად კონსტიტუციის ცვლილების პროექტი პარლამენტში დაარეგისტრიტა. მისი აზრით, ეს მოთხოვნა საზოგადოების დიდი ნაწილის განწყობას ეხმიანება. საინიციატივო ჯგუფში 10 ადამიანია, მათ შორის დამოუკიდებელი დეპუტატები, მირიან წიკლაური, ნატო ჩხეიძე და საკრებულოს წევრი ვატო შაქარაშვილი.

"მოსამართლეთა უვადოდ არჩევის წესი უნდა შეიცვალოს ვადიანი არჩევით, ამას სჭირდება კონსტიტუციური ცვლილება, რადგან 76 დეპუტატი არ არის დღეს მზად ამ პროექტის ინიცირებისთვის, გვჭირდება ჩვენი მოქალაქეების ხელმოწერა. ოთხი თვის განმავლობაში შევაგროვებთ 200 ათას ხელმოწერას, რომლითაც უვადოდ არჩევის წესი უნდა შეიცვალოს და უკვე უვადოდ არჩეულ მოსამართლეებსაც უნდა შეეხოს", — აღნიშნა მედიასთან საუბრისას ეკა ბესელიამ.

პარლამენტმა საკონსტიტუციო სასამართლოს შესახებ კანონში ცვლილებები მესამე მოსმენით, 14 მაისს, 81 ხმით მიიღო. ცვლილებების მიღებამდე პარლამენტმა მხარი არ დაუჭირა ეკა ბესელიასა და 8 დეპუტატის მიერ ინიცირებულ კანონპროექტს მოსამართლეების უვადოდ დანიშვნის დროებით შეჩერების შესახებ. კანონპროექტის მიხედვით, რაიონულ და სააპელაციო სასამართლოებში მოსამართლეთა უვადოდ გამწესება 2024 წლის 31 დეკემბრამდე უნდა შეჩერებულიყო. ქართულმა ოცნების მიერ მომზადებულ კანონპროექტი უზენაესის მოსამართლეების არჩევის შესახებ ცვლილებები ვენეციის კომისიის დასკვნის შემდეგ შევიდა. ვენეციის კომისიის ერთადერთი რეკომენდაცია, რომელიც სრულად გაიზიარა ქართული ოცნების უმრავლესობამ, არამოსამართლე კანდიდატების მიერ საკვალიფიკაციო გამოცდების ჩაბარების საკითხს ეხება.

ამავე თემაზე: