9 მაისს Tbilisi Open Air-ის დამფუძნებლები და პროდიუსერები Tbilisi Newcomers-ის ფინალური კონცერტის 10 მონაწილე ბენდს / პროექტს Showcase-ის მონაწილე 21 მუსიკალურ პროექტს / ჯგუფს შორის არჩევენ. ფინალისტების ვინაობა ცნობილი 12 მაისს გახდება.

შოუქეისები და ფინალისტების შერჩევა 8 მაისს დაიწყო, ფინალური კონცერტი კი 26 მაისს გაიმართება.

მთავარ სცენაზე Newcomers-ის ერთი გამარჯვებული დაუკრავს. ფესტივალზე მოქმედ 3 სცენას (EYESTAGE - ელექტრონული მუსიკისა და ვიზუალური ხელოვნების სცენა, Garden Stage – Psy Trance სცენა და Singe Stage - აკუსტიკური მუსიკისა და ჯაზის სცენა) თავისი ფავორიტი ჯგუფის/პროექტის შერჩევის საშუალება მიეცემა.

Tbilisi Newcomers მუსიკოსებისა და ბენდების აღმოჩენას 10 წელია ემსახურება. პროექტი Tbilisi Open Air-ის ორგანიზატორთა ინიციატივით 2009 წელს შეიქმნა. ბენდები და მუსიკოსები, ჟანრის მიუხედავად, განაცხადის ფორმას ავსებენ. განაცხადების ავტორ მუსიკოსთა შოუქეისის შემდეგ ფინალური ლაივ კონცერტის მონაწილეები ვლინდებიან. გამარჯვებული პროექტი კი ფესტივილის მთავარ სცენაზე დაკვრის უფლებას იღებს.