ფიანანსთა სამინისტროს საგამოძიებო სამსახურის ინფორმაციით, ყალბი ოფიციალური დოკუმენტების დამზადება-გასაღების ბრალდებით ორი პირი დააკავეს.

უწყებაში განმარტავენ, რომ ბრალდებულები სისტემატიურად ამზადებდნენ და ყიდდნენ თბილისის მერიის, ტრანსპორტის საქალაქო სამსახურისა და სახელმწიფო უსაფრთხოების სამსახურის ავტომანქანების ყალბ საშვებს. საშვები მფლობელს აძლევდა უფასო პარკირებისა და გარკვეულ დაცულ ტერიტორიებზე შესვლის უფლებას.

საქმეზე გამოძიება მიმდინარეობს საქართველოს სისხლის სამართლის კოდექსის 362-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას ვადით 3-დან 6 წლამდე.