მსოფლიოს სხვადასხვა კუთხეში მასწავლებლები ურჩ მოსწავლეებს აფრთხილებენ, რომ გაკვეთილზე ცუდად მოქცევის შემთხვევაში Avengers: Endgame-ს დაუსპოილერებენ. როგორც ერთ-ერთმა მასწავლებელმა INSIDER-ს უთხრა, მეთოდი ამართლებს.

შურისმაძიებლები ჯერ კიდევ უამრავ ადამიანს არ უნახავს. მათ შორის არიან სკოლის მოსწავლეებიც, რომლებიც შესაფერის დროს ეძებენ ფრენჩაიზის ბოლო სერიის კომფორტულად სანახავად.

სწორედ მარველის ისტორიული ფილმი ეხმარება იმ მასწავლებლებს, რომლებიც კლასში ბავშვების დამორჩილებას ვერ ახერხებენ და სასწავლო პროცესის წარმათვისას პრობლემები ექმნებათ.

რედიტსა და ტვიტერზე რამდენიმე პოსტი გამოჩნდა, რომელშიც ჩანს, რომ მასწავლებლები საკმაოდ წარმატებულად იყენებენ ხმაურიანი მოსწავლეების დამორჩილების ახალ ხერხს.

ეს მასწავლებლები დაფაზე შურისმაძიებლების გადამწყვეტი მომენტებიდან სპოილერების წერას იწყებენ, იმ შემთხვევაში, თუ მოსწავლეების ყურადღება გაკვეთილს არ ეთმობა.

ფოტო: Heroic0 / Reddit

ფოტო: Kyle_sch / Reddit

"ჩემს მოსწავლეს ვუთხარი, რომ კლასელებთან საუბარს არ შეწყვეტდა, ენდგეიმის სპოილერს ვეტყოდი. დავინახე როგორ გაუფართოვდა თვალები. მან პირი მაშინვე დახურა და გაკვეთილის პროცესში ჩაერთო. მოსწავლესთან ურთიერთობისას ასეთი სწრაფი და ეფექტიანი მეთოდი ჯერ არ მქონია", - უთხრა ნიუ-იორკის სკოლის ინგლისურის მასწავლებელმა INSIDER-ს.

მისი თქმით, ამ მეთოდმა სხვა კლასებშიც იმუშავა:

"ურჩ მოსწავლეს ვკითხე, ნახა თუ არა მარველის ბოლო ფილმი. როცა მიპასუხა, რომ არა, დავიწყე: "ალბათ პრობლემა არ გექნება თუ გეტყვი, რომ თანოსმა..." და მან მაშინვე ხელები აიფარა ყურებზე. ამის შემდეგ ის საკლასო აქტივობებში სრულად იყო ჩართული".

თუმცა, ეს მეთოდი მხოლოდ უფროსებისთვის არაა ხელსაყრელი. ერთ-ერთმა მასწავლებლმა საკლასო ოთახის კარებზე ეს წარწერა გამოაკრა:

"ძვირფასო მოსწავლეებო, ჩემი პატარა ძმა ტამპაში იმყოფება და მის ჩამოსვლას ველოდები, რომ შურისმაძიებლები ერთად ვნახოთ. გთხოვთ, ფილმის შესახებ დეტალები ჩემს გაკვეთილებზე არ განიხილოთ, მანამ სანამ ამ ფურცელს არ ჩამოვხსნი. ეს პერიოდი ალბათ ოთხშაბათამდე გაგრძელდება. იცით, მარველის კომიქსების როგორი ფანი ვარ და თუ ვინმე დამასპოილერებთ, განატრებთ, რომ თანოსს გადაყროდით".

Avengers: Endgame-ის მსოფლიო პრემიერა 26 აპრილს შედგა და გახდა ისტორიაში პირველი ფილმი, რომელმაც გამოსვლიდან რამდენიმე დღეში მოახერხა და მილიარდდოლარიანი შემოსავალი დააგროვა.

ამავე თემაზე: