ნიუ-იორკის ცენტრში მომხდარ აფეთქებაში და ნიუ-ჯერსიში ბომბების განთავსებაში ბრალდებულის აჰმედ რაჰამის დაკავების შემდეგ, მისმა მამამ მუჰამედ რაჰამმა ჟურნალისტებს განუცხადა, რომ FBI-ის თავისი შვილის შესახებ 2 წლის წინ მიმართა.

CNN-ის ცნობით, ამერიკის გამოძიების ფედერალურმა ბიურომ რაჰამის მამა 2014 წელს დაკითხა. მაშინ მუჰამედ რაჰამმა თავის შვილს ტერორისტი და მოძალადე უწოდა.

ამერიკის ოფიციალური პირების განცხადებით, მუჰამედ რაჰამმა მოგვიანებით უარყო მისი შვილის ტერორიზმთან კავშირი, თუმცა გამოთქვა შეშფოთება, იმის შესახებ, რომ მისი შვილი შესაძლოა მართლსაწინააღმდეგო ქმედებებში იყო ჩართული.

CNN-ის ცნობით, FBI-მ აღნიშნული შიდა ოჯახურ დავად შეაფასა. აღსანიშნავია, რომ მუჰამედ რაჰამის დაკითხვის დროს, აჰმადი დაკავებული იყო თავისი ნათესავის დანის დაჭრის ბრალდებით.

აღნიშნულის შემდეგ, ფედერალურ ბიუროს აჰმედის მამა აღარ დაუკითხავს. აჰმედ რაჰამი არასდროს განთავსებულა FBI-ის მონაცემთა ბაზაში, როგორც პოტენციური ტერორისტი.

ნიუ-იორკის ცენტრში მომხდარ აფეთქებაში და ნიუ-ჯერსიში ბომბების განთავსებაში ბრალდებული ამერიკის პოლიციამ გუშინ, 20 სექტემბერს, დააკავა.

ამავე თემაზე:

ქუჩებში აფეთქებების ხმას გაიგონებთ - ჩანაწერი დაკავებული აჰმედ რაჰამის დღიურში