ტრანსპორტის სამსახურის უფროსის, მამუკა მუმლაძის განცხადებით, ახალი სქემის ამუშავების შემდეგ, ავტობუსებში გაჩერებები გამოცხადდება. ამის შესახებ მან ავტორადიოს ეთერში ისაუბრა.

მისი განცხადებით, სახელების დარქმევის პროცესი დასრულებულია და ამ მიმართულებით მუშაობა აქტიურად გრძელდება.

"სატრანსპორტო კომპანიას დარჩენილი აქვს ეტაპი, გამოაცხადოს ტენდერი. იქ, სადაც სახელები უკვე მინიჭებულია გაჩერებებზე, მოახდინოს გამოცხადების ტექნიკური უზრუნველყოფა, შემდეგ ჩაწერა და ჩატვირთვა უნდა მოხდეს. სერიოზული მოთხოვნაა ამ მიმართულებით... დღეს რომ გავაკეთოთ, ორმაგი ხარჯი გამოგვივა, რადგან შემდეგ მარშრუტების გადაგეგმარება მოგვიწევს და ყველაფრის ახლიდან დაპროგრამება", — თქვა მუმლაძემ.

მიუხედავად იმისა, რომ ლურჯ ავტობუსებში გაჩერებების გამოცხადება ტექნიკურად შესაძლებელია, ეს ფუნქცია ამოქმედებული ამ დრომდე არ არის.