თბილისში, ქალაქის ცენტრში მონიტორზე განთავსებული "ჩათლახბარათის" რეკლამა გაითიშა, შინაგან საქმეთა სამინისტრომ ტრეფიკინგის მუხლით დაიწყო გამოძიება.

ჭავჭავაძის ქუჩაზე კომპანია სლავური მასაჟის რეკლამა რამდენიმე დღის წინ გამოჩნდა. სარეკლამო ბანერი სექსისტურ შინაარს შეიცავდა, განმთავსებელი კომპანია კი ფეისბუქზე აქვეყნებდა ინფორმაციას, რომლებიც სექსუალური მომსახურების შეთავაზების შთაბეჭდილებას ქმნიდა.

ფოტო: ნიკუშა ანთაძე

On.ge-ს თბილისის მერიაში განუმარტეს, რომ ბილბორდებზე რეკლამების განთავსების ნებართვას თავად არ გასცემენ და ამ რეკლამის შესახებ ინფორმაცია არ ჰქონდათ. მოგვიანებით, მათ განგვიცხადეს, რომ ამ რეკლამაზე ინფორმაციის გავრცელების შემდეგ მუნიციპალური ინსპექცია ადგილზე მივიდა და გათიშული დახვდათ.

უფლებადამცველმა, ბაია პატარაიამ რეკლამის შინაარსში სექსიზმის გარდა დანაშაულის ნიშნებიც დაინახა. ის პროსტიტუციის რეკლამირების საფრთხეზე საუბროდა.

თავდაპირველად, On.ge-ს შინაგან საქმეთა სამინისტროში უთხრეს, რომ რეკლამის შესახებ ინფორმაცია არ ჰქონდათ. მოგვიანებით კი განაცხადეს, რომ ინფორმაციის გავრცელების შემდეგ დაიწყო გამოძიება სისხლის სამართლის კოდექსის 143¹ მუხლის პირველი ნაწილით, რაც ტრეფიკინგს გულისხმობს.