პარიზის პროკურატურამ პარიზის ღვთისმშობლის ტაძარში გაჩენილ ხანძართან დაკავშირებით გამოძიება დაიწყო. ამის შესახებ CNN იუწყება.

შემთხვევის ადგილზე უკვე მივიდა საფრანგეთის პრეზიდენტი ემანუელ მაკრონი, რომელმაც მომხდარის გამო, დღეს, 15 აპრილს დაგეგმილი საჯარო გამოსვლა გადადო.

ხანძრის შედეგად ჩამოინგრა ეკლესიის სამრეკლო და მთავარი სვეტი. ამ დრომდე უცნობია, რა გახდა ხანძრის გაჩენის მიზეზი. BBC წერს, რომ ეს შესაძლოა ეკლესიაში მიმდინარე სარესტავრაციო სამუშაოებს უკავშირდებოდეს. ხანძარი თბილისის დროით 20:50-ზე გაჩნდა.