სრულიად უხორცო Whopper - Burger King-ის ახალი სიტყვა სწრაფ კვებაში
დიდი ხანი არაა, რაც მცენარეული შემადგენლობის ხორცი პოპულარული გახდა.
უკვე პირველი აპრილიდან მოყოლებული, Burger King თავის მომხმარებლებს სთავაზობს ახლებურ ვოპერს, რომელსაც ტრადიციული ხორცის ბურგერის გემო აქვს, ოღონდ ერთი განსხვავებით: ის საერთოდ არ შეიცავს ხორცს.
ეს ახალი უხორცო ბურგერი სტარტაპ კომპანია Impossible Foods-თან თანამშრომლობის შედეგია. კომპანია ბურგერისთვის ხორცის კატლეტს ჰემის, სოიოს ფესვებისგან გამომუშავებული იმგვარი ცილებისგან ამზადებს, რომელიც თავისი სტრუქტურით ძალიან ჰგავს ხორცს. "ჩემი გუნდის წევრებმა, რომლებიც ვოპერის ვიზუალსა და მის შემადგენლობას კარგად იცნობენ, სცადეს ერთმანეთისგან განესხვავებინათ უხორცო და ტრადიციული ბურგერები და მათ ამის გაკეთება ძალიან გაუჭირდათ", - განაცხადა ფერნანდო მაჩადომ, Burger King-ის მარკეტინგული განყოფილების უფროსმა.
ეს უმნიშვნელოვანესი სიახლეა მათთვის, ვისაც ცხოველების მიმართ გამოჩენილი სისასტიკისა და კლიმატის ცვლილებაზე წუხილის გამო ხორცის სხვა ალტერნატივით ჩანაცვლება სურს. თუ ახალი უხორცო ბურგერი მეტი მომხმარებლის გულს მოიგებს და მისი წარმოება კიდევ უფრო გაფართოვდება, მაშინ ეს პროცესი არა მხოლოდ ინდუსტრიულ მეცხოველეობაში ჩართულ ასი ათასობით ცხოველს გადაარჩენს, არამედ გლობალურ დათბობასაც შეუშლის ხელს: როგორც ცნობილია, მსხვილფეხა საქონელი გარემოში დიდი რაოდენობით მეთანს გამოყოფს. ეს ასევე შეიძლება დაგვეხმაროს ანტიბიოტიკების მიმართ რეზისტენტულობის შემცირებაში. რეზისტენტულობას ხშირად იმ საქონლის ხორცის მოხმარება იწვევს, რომლებსაც სხვადასხვა მასტიმულირებელი მედიკამენტებით ზრდიან.
Impossible Burger-ის სახელით ცნობილი ეს ახალი პროდუქტი ამჟამად მხოლოდ ქალაქ სენტ-ლუისის Burger King-ის 59 რესტორანშია ხელმისაწვდომი. მაჩადოს თქმით, თუ მოლოდინი გაამართლებს, ის ამერიკაში ქსელის ყველა, 7,200 ფილიალში გაიყიდება. შესაძლოა, ამან ხორცის მასობრივად მოხმარების შემცირებაში მნიშვნელოვანი წვლილი შეიტანოს, განსაკუთრებით, თუ Burger King-ს სხვა მსგავსი სწრაფი კვების ქსელებიც მიბაძავენ - რაც რთულად წარმოსადგენი სრულიადაც არაა.
ამერიკული რესტორნების ქსელი White Castle უკვე ყიდის Impossible Foods-ის მცენარეული ხორცის კატლეტის შედარებით თხელ ნაჭრებს. Carl’s Jr.-ის რესტორნების ქსელიც იანვრიდან მოყოლებელი სთავაზობს კლიენტებს ვეგეტარიანულ ბურგერებს, რომლის მცენარეულ ხორცსაც კომპანია Beyond Meat აწარმოებს.
შეიძლება, არალოგიკურად მოგეჩვენოთ, რომ ხორცის ალტერნატიული საშუალებით ჩანაცვლებით ის კომპანიები დაინტერესდნენ, რომლებიც ხორცის პროდუქტის წარმოებაზე ფოკუსირდებიან. მაგრამ, რეალურად, ეს უბრალოდ კარგი ბიზნეს ხედვაა: ბოლო დროს მომხმარებლები სულ უფრო მეტად ეძებენ ხორცის შემცვლელს. შესაბამისად, თუ კომპანია მათ ისეთი ალტერნატივით უზრუნველყოფს, რომელიც ერთდროულად გემრიელი და იაფიც იქნება, - უხორცო ვოპერი ჩვეულებრივთან შედარებით ერთი დოლარით მეტი ეღირება, - ეს მათ დიდ მოგებას მოუტანს.
Burger King არ არის ერთადერთი კომპანია, რომელიც ხორცის ბაზრის გაკონტროლებას ამ გზით ცდილობს. ხორცის მწარმოებელი ბევრი დიდი ამერიკული კომპანია ინსვესტიციას სწორედ ხორცის ჩამნაცვლებელში დებს. ამის შესახებ ჟურნალისტმა კილსი პაიპერმა უკვე ისაუბრა თავის სტატიაში: "ხორცის მრეწველობამ რაღაც ეტაპზე შეწყვიტა ხორცის ალტერნატივების კონკურენტად მიჩნევა და მათ ისე შეხედა, როგორც ხორცის შესაძლო მომავალს. როგორც გასულ ზაფხულს ამერიკული კომპანიის, Tyson’s Food-ის დირექტორმა, ტომ ჰეისმა ინტერვიუში განაცხადა, თუ ვერ ამარცხებ, შეუერთდი - ასე არაა?"
Impossible Food-ის მსგავსი სტარტაპებისთვის Burger King-ისნაირ კომპანიასთან თანამშრომლობის სარგებელი ყველასთვის ცხადია: ასეთ დიდ ქსელს შეუძლია, დიდი რაოდენობის პროდუქტი გაყიდოს და ამ გზით უხორცო პროდუქტი მასობრივი და ყველასთვის მისაღები გახადოს.
თუმცა, მეორე მხრივ, დიდ ქსელთან თანამშრომლობის გამო, შესაძლოა, Impossible Foods-ის მიმართ კრიტიკული კითხვებიც გაჩნდეს.
რადგანაც Burger King ნამდვილად არ აპირებს ხორცის ბურგერების წარმოების შეწყვეტას, შეიძლება, ბევრმა ეს თანამშრომლობა ქსელის მხრიდან ყალბი მაღალმორალური იმიჯის მორგების მცდელობად აღიქვას. სწორედ მსგავსი კრიტიკული მოსაზრებები გაჩნდა, როდესაც Tyson’s Food-მა Beyond Meat-თან თანამშრომლობა დაიწყო.
ამასთან, რომ არავინ დააბნიოს უხორცო ბურგერის იარლიყმა, რომელიც ამ ახალ პროდუქტს მიეწერება, მნიშვნელოვანია აღინიშოს, რომ ის ვეგანური არ არის. Burger King მის მოსამზადებლად ჩვეულებრივი ვოპერისთვის განკუთვნილ მაიონეზს იყენებს.
Burger King-ისა და Impossible Food-ის მოულოდნელი თანამშრომლობა სტრატეგიული არჩევანია ბიზნესის კიდევ უფრო განვითარებისა და გაფართოებისთვის, მიუხედავად იმისა, რომ ეს რაღაც ტიპის დათმობებზე წასვლასაც გულისხმობს. მსგავსი რისკი საზოგადოებისთვისაც იქნება მომგებიანი, თუ ბაზარზე ძლიერი მოთამაშეების ხელის შეწყობის შედეგად ალტერნატიული ხორცი ადამიანთა კვების რაციონში ფეხს მოიკიდებს.
რადგანაც უხორცო ბურგერი უკვე ხელმისაწვდომია მომხმარებელთათვის, მალევე ვნახავთ, რა შედეგის მომტანიც იქნება ეს სარისკო ნაბიჯი.
-
გადახედვაშესაძლოა, დედამიწასთან ახლომდებარე ასტეროიდი მთვარის ფრაგმენტი იყოს შესაძლოა, დედამიწასთან ახლომდებარე ასტეროიდი მთვარის ფრაგმენტი იყოს
-
გადახედვაკანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია კანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია
-
გადახედვადააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას დააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას
-
გადახედვაკანის კინოფესტივალზე Studio Ghibli-ს საპატიო ოქროს პალმის რტო გადაეცემა კანის კინოფესტივალზე Studio Ghibli-ს საპატიო ოქროს პალმის რტო გადაეცემა
-
გადახედვაუცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა უცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა
-
გადახედვამზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს მზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს
-
გადახედვადღეს, 23 აპრილს, 7 საათზე, რუსული კანონის საპროტესტო აქცია კვლავ გაიმართება დღეს, 23 აპრილს, 7 საათზე, რუსული კანონის საპროტესტო აქცია კვლავ გაიმართება
-
გადახედვაკრამონი: სანქციები რაც შეიძლება სწრაფად უნდა დავაწესოთ მათ წინააღმდეგ, ვისაც საქართველოს ტრანსფორმაცია რუსული მოდელის მიხედვით სურთ კრამონი: სანქციები რაც შეიძლება სწრაფად უნდა დავაწესოთ მათ წინააღმდეგ, ვისაც საქართველოს ტრანსფორმაცია რუსული მოდელის მიხედვით სურთ
-
გადახედვაკიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა კიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა
-
-
გადახედვაკობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს კობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს
-
-
-
გადახედვააქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC აქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC
-
-
-
-
გადახედვაარ ვიცი, Euphoria მე-3 სეზონით დაბრუნდება თუ არა — ზენდეია არ ვიცი, Euphoria მე-3 სეზონით დაბრუნდება თუ არა — ზენდეია
-
გადახედვაგენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა გენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა
-
გადახედვაფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს ფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს
-
გადახედვამილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა მილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა
კომენტარები