CRRC-ის კვლევის მიხედვით, საქართველოს მოსახლეობის 17,8 პროცენტი მიიჩნევს, რომ სამუშაო ადგილზე ხდება სექსუალურ შევიწროება. კვლევით დაადინეს, რომ თბილისში ასე მოსახლეობის 26,9 პროცენტი ფიქრობს, ხოლო რეგიონებში — 14 პროცენტი. მკვლევარები მიუთითებენ, რომ ამ მოსაზრებას ეთანხმება ქალების 21,2 პროცენტი, ხოლო კაცების 13,7 პროცენტი.

კითხვაზე, შრომითი უფლებების დარღვევის შემთხვევაში, მოსალოდნელია თუ არა, რომ სასამართლო დაგეხმარებათ, მოსახლეობის 41,2 პროცენტი პასუხობს, რომ უფრო არ არის მოსალოდნელი. დადებითი მოლოდინი აქვს 38,5 პროცენტს (არ ვიცი/უარი პასუხზე: 20,3%).

გამოკითხვის შედეგების მიხედვით, სამუშაო ადგილზე შრომის უფლების ყველაზე ხშირი დარღვევაა არასათანადო ანაზაღაურება (მოსახლეობის 71%), შრომის უსაფრთხოების ნორმების დარღვევა (მოსახლეობის 64%) და სამუშაო საათების ხანგრძლივობის ნორმების დარღვევა (მოსახლეობის 57%).

ფოტო: CRRC

გამოკითხვის შედეგების მიხედვით, საქართველოს მოსახლეობის მხოლოდ 3,4 პროცენტია გაერთიანებული პროფესიულ კავშირში. კითხვაზე, ისურვებდით თუ არა, გახდეთ პროფკავშირის წევრი — საქართველოს მოსახლეობის 6,8% დადებითად პასუხობს. კვლევით დადგინდა ისიც, რომ უმაღლესი განათლების მქონე მოქალაქეები უფრო ხშირად გამოთქვამენ ასეთ მზადყოფნას (10,4%), ვიდრე საშუალო ან უფრო დაბალი საფეხურის განათლების მქონე ადამიანები (4.9%).

კვლევის მეთოდოლოგია

2018 წლის 16-27 ნოემბერში თბილისსა და რეგიონებში 1786 რესპონდენტი (599 თბილისში, 1187 რეგიონებში) გამოიკითხა. რესპონდენტები შემთხვევითი შერჩევის პრინციპით, კიშის ცხრილის გამოყენებით შეირჩნენ. გამოკითხვის პროცესში ფორმულირებული შეკითხვების მეშვეობით პირველად მოხდა მოსახლეობის განწყობის კვლევა რიგი საკითხების შესახებ, რაც მანამდე უცნობი და სრულიად ახალი ინფორმაციაა მოსახლეობის განწყობის შესახებ ზოგიერთ თემაზე.

საქართველოს ტერიტორიაზე მოსახლეობის გამოკითხვა ჩაატარა კავკასიის კვლევითი რესურსების ცენტრმა (CRRC), ღია საზოგადოების ფონდისა და საერთაშორისო ორგანიზაცია International IDEA (ინთერნეშენალ აიდია) ერთობლივი პროექტის ფარგლებში.