"იყო სხეულის დაზიანებები სხვადასხვა ადგილზე. სხვადასხვა არეში ჭრილობები, ღია ჭრილობები თავის არეში" — ამის შესახებ კლინიკა "ვივამედის" კლინიკურმა დირექტორმა ზურაბ ჩხაიძემ Netgazet-თან განაცხადა.

ჩხაიძის ცნობით, ბაჩიაშვილი კლინიკაში პარასკევს, 11 ივლისს შეიყვანეს და გლდანის ციხეში რამდენიმე საათში დააბრუნეს.

"პარასკევს მოიყვანეს ჩვენთან კლინიკაში. იყო სხეულის დაზიანებები სხვადასხვა ადგილზე. სხვადასხვა არეში ჭრილობები, ღია ჭრილობები თავის არეში.

გაეწია შესაბამისი სამედიცინო დახმარება, კონსულტირებული იქნა ექიმი ნევროლოგის მიერ და მისივე რეკომენდაციით, პაციენტი დაბრუნებული იქნა პენიტენციურ დაწესებულებაში პენიტენციური დაწესებულების ექიმის მეთვალყურეობის ქვეშ. კლინიკაში შემოსვლიდან რამდენიმე საათში დაბრუნდა პენიტენციურ დაწესებულებაში", — განაცხადა ზურაბ ჩხაიძემ Netgazet-თან.

ბაჩიაშვილის ადვოკატი, დავით ჯანდიერი NEWS.On.ge-ს უდასტურებს, რომ მისი დაცვის ქვეშ მყოფი ნაცემია. როგორც ადვოკატმა განგვიცხადა, ბაჩიაშვილი თავდაპირველად გლდანის სამკურნალო დაწესებულებაში იყო მოთავსებული.

ასევე იხილეთ: