რუსთავი 2-ის ინფორმაციით, სატელეფონო საუბრის უკანონოდ მოპოვება - გავრცელების საქმეზე შინაგან საქმეთა სამინისტროშია დაბარებულია რუსთავის 2-ის გენერალური დირექტორი ნიკა გვარამია და პარტია სახელმწიფო ხალხისთვის ლიდერი პაატა ბურჭულაძე.

რუსთავი 2-ის ცნობით, ბურჭულაძის გამოცხადების თარიღად 2001 წლის პირველი იანვარია მითითებული.

ფოტო: რუსთავი 2

სამართლებრივ საკითხებში პაატა ბურჭულაძის მრჩევლის დავით ჯანდიერის თქმით, მათ არ აქვთ ობიექტური გამოძიების იმედი:

"ეს არის ნეგატიური კამპანია, რომელიც მიმართულია ჩვენი პარტიის წინააღმდეგ. ამით არის გამოწვეული ჩანაწერების გამოქვეყნებაც და გამოძიებაში დაბარებაც. ბუნებრივია, გამოძიების ეფექტიანობაზე საუბარი ზედმეტია და ამის არავითარი იმედი არ გაგვაჩნია იმ პირობებში, როდესაც შსს უწყებაში უთითებს აბსოლუტურად წარმოუდგენელ თარიღს - 2001 წლის 1 იანვარს".

გვარამია-ბურჭულაძის ჩანაწერზე გამოძიება შსს-მ 14 სექტემბერს დაიწყო.