ტელეკომპანია რუსთავი 2-ის გენერალური დირექტორი ნიკა გვარამია აცხადებს, რომ ნამდვილად ღია ხაზზე ესაუბრა პარტია სახელმწიფო ხალხისთვის ლიდერს პაატა ბურჭულაძეს, რადგან დასამალი არაფერი ჰქონდა. იგი თავისი სატელეფონო ჩანაწერის გავრცელებაში სახელმწიფო უსაფრთხოების სამსახურს ადანაშაულებს:

სახელმწიფო უსაფრთხოების სამსახურმა On.ge-სთან საუბარში განაცხადა, რომ უწყება უარყოფს გვარამიას ბრალდებას და რომ ამასთან დაკავშირებით, შსს-მ უკვე დაიწყო გამოძიება:

"სახელმწიფო უსაფრთხოების სამსახური უარყობს რაიმე ტიპის ჩანაწერის მოპოვებასა და გავრცელებას. თუ ვის მიერ იქნა იგი მოპოვებული და გავრცელებული, ამაზე გამოძიება შინაგან საქმეთა სამინისტრომ უკვე დაიწყო და განცხადებაც მალე გავრცელდება."

დღეს, 14 სექტემბერს, ნიკა გვარამიასა და პაატა ბურჭულაძეს შორის სატელეფონო საუბრის აუდიო ჩანაწერი გავრცელდა. ჩანაწერი ატვირთულია YouTube-ზე, georgia-news.org-ის სახელწოდებით გახსნილ არხზე, რუსული სათაურით: ნიკა გვარამია აკონტროლებს "დამოუკიდებელ" პოლიტიკოსებს (Ника Гварамия контролирует "независимых" политиков).

15:00 საათზე ნიკა გვარამიას სპეციალური ბრიფინგია ჩანიშნული.