ფინანსთა სამინისტროს საგამოძიებო სამსახურის ინფორმაციით, ქრთამის აღების ფაქტზე შიდა ქართლის ერთ-ერთი სატყეო უბნის ტყის მცველი და მისი თანამონაწილე დააკავეს. უწყების ცნობით, ტყის მცველმა მის სამოქმედო ტერიტორიაზე მწვანე ნარგავების — ნაძვების ამოთხრის სანაცვლოდ მოქალაქეს 4 000 ლარი გამოართვა.

საქმეზე გამოძიება სისხლის სამართლის კოდექსის 338-ე მუხლის პირველი ნაწილით მიმდინარეობს, რაც სახელმწიფო თანამდებობის მქონე პირის მიერ ქრთამის აღებას გულისხმობს. ამ მუხლით გათვალისწინებულია პატიმრობა ექვსიდან ცხრა წლამდე.