ბერლინური ტექნო მუსიკის მექა, გერმანიის მთავრობამ ახლახანს აღიარა, როგორც კულტურული ღირებულების მქონე ადგილი და ამის გამო, გადასახადები შეუმცირა.

გამოცემა ElectronicBeats Der Spiegel-ზე დაყრდნობით წერს, რომ ბერგჰაინმა ხანგრძლივი საგადასახადო დავა მოუგო გერმანულ საგადასახადო ორგანოს. ახალი გადაწყვეტილებით კი, კლუბის აქტივობები არა გასართობ, არამედ, კულტურულ ღონისძიებებად მიიჩნევა.

აქამდე ბერგჰაინი როგორ გასართობი ტიპის დაწესებულება 19 პროცენტიან საშემოსავლო გადასახადს იხდიდა, ახლა კი, როგორც კულტურული ღირებულების მქონე ობიექტს 7 პროცენტიანი საშემოსავლო გადასახადი დაუწესდება.

დავის მეორე მხარე, საგადასახადო ორგანოდან აცხადებს, რომ დაწესებულება, სადაც ხალხი ცეკვავს, ერთობა და ნარკოტიკებს იღებს, უნდა ჩაითვალოს როგორც გასართობი და არა კულტურული. კლუბის ადმინისტრაცია კი ირწმუნება, რომ იმავე ლოგიკით კლასიკური მუსიკაც უნდა მიიჩნიონ გასართობად.