საქართველოს პრეზიდენტის, სალომე ზურაბიშვილის თქმით, აუცილებელია, რომ პარლამენტში დიასპორას საკუთარი წარმომადგენელი ჰყავდეს. პარლამენტში სიტყვით გამოსვლის დროს მან აღნიშნა, რომ ევროპის ყველა ქვეყანაში, სადაც მრავალფეროვანი დიასპორაა, მსგავსი პრაქტიკა არსებობს.

გარდა ამისა, სალომე ზურაბიშვილი გამოვიდა ინიციატივით, რომ ერთი ფანჯრის პრინციპზე აგებული ემიგრანტის სახლი დაარსდეს. მისივე განმარტებით, ეს მნიშვნელოვანია, რათა ქვეყანაში ჩამოსული საქართველოს მოქალაქეებისთვის ყველა ინფორმაცია ხელმისაწვდომი გახდეს.

საქართველოს პრეზიდენტი სალომე ზურაბიშვილი საქართველოს პარლამენტში მოხსენებით პრეზიდენტის რანგში პირველად წარდგა. ზურაბიშვილის მოხსენებას პარლამენტში პრემიერ-მინისტრი მამუკა ბახტაძე, მინისტრთა კაბინეტის წევრები და დედაქალაქის მერი, კახა კალაძე დაესწრებიან.

ზურაბიშვილის გამოსვლას ევროპული საქართველო და ნაციონალური მოძრაობა არ ესწრებიან.