ყოფილი პრემიერი, ირაკლი ღარიბაშვილი ეკა ბესელიას პარტიიდან წასვლას აფასებს და ამბობს, რომ ეს მისთვის "აუხსნელია". ამის შესახებ მან დღეს, ინგა გრიგოლიას გადაცემა რეაქციაში ისაუბრა.

"შთაბეჭდილება დამრჩა, რომ [ეკა ბესელია] მთლად თავისუფალი არ არის", — აცხადებს ღარიბაშვილი და იქვე განმარტავს, რომ როდესაც გსურს იდეალური იყოს ყველაფერი, ეს ასე ვერ იქნება:

"არცერთი მთავრობა, არცერთი პარტია და ხელისუფლება არ იქნება იდეალური".

მისივე თქმით, რაც ხდება პარტიაში, უნდა დარჩეს პარტიაში და არ შეიძლება პარტიის შიგნით განხილული თემები გამოიტანო საჯაროდ, ამით კი "შენი მტრის წისქვილზე დაასხა წყალი".

მმართველ გუნდში დაპირისპირების გამო საპარლამენტო უმრავლესობა დეპუტატმა უკვე დატოვა ეკა ბესელიამ, ლევან გოგიჩაიშვილმა, გედევან ფოფხაძემ და ბექა ნაცვლიშვილმა. გარდა ამისა, გია ჟორჟოლიანი არ გამორიცხავს, რომ სოციალ-დემოკრატებმა უმრავლესობა დატოვონ.