სოციალ-დემოკრატებმა შესაძლოა, რომ საპარლამენტო უმრავლესობა დატოვონ. ამის შესახებ დეპუტატმა On.ge-ს განუცხადა და აღნიშნა, რომ გადაწყვეტილება ბევრ ფაქტორზეა დამოკიდებული.

მისი თქმით, გუნდში ბევრ საკითხზე აზრთა სხვადასხვაობაა. ჟორჟოლიანი საბოლოო გადაწყვეტილების მიღების თარიღს არ ასახელებს.

პარლამენტში ქართული ოცნება - სოციალ-დემოკრატების ფრაქცია და პარტია 22 თებერვალს ბექა ნაცვლიშვილმა დატოვა. მან ეს გადაწყვეტილება მას შემდეგ მიიღო, რაც პარლამენტმა მისი კანონპროექტი ჩააგდო. დეპუტატი ამბობს, რომ თავისი გეგმების შესრულებას პარლამენტის გარეთ უკეთ შეძლებს.

ქართული ოცნება უკვე დატოვეს ეკა ბესელიამ, ლევან ბერძენიშვილმა და გედევან ფოფხაძემ. მათი წასვლის მიზეზი მოსამართლეთა დანიშვნის შეჩერების კანონპროექტი იყო.