თსუ-ს აკადემიური საბჭოს არჩევნები 11 მაისს გაიმართება. ამის შესახებ ინფორმაციას თსუ-ს რექტორის მოვალეობის შემსრულებელი ავრცელებს.

ამ წუთებში თბილისის სახელმწიფო უნივერსიტეტის რექტორის მოვალეობის შემსრულებელი, დარეჯან თვალთვაძე თსუ-ს სტუდენტებს ხვდება, სადაც სწორედ მოსალოდნელ არჩევნებზე საუბრობს.

სტუდენტების შეკითხვას, მიიღებს თუ არა ის რექტორის არჩევნებში მონაწილეობას, თვალთვაძემ უპასუხა, რომ კანდიდატების ვინაობას არა ის, არამედ აკადემიური საბჭო წყვეტს.

შეხვედრას თსუ-ს სტუდენტები ესწრებიან და ის კითხვა-პასუხის რეჟიმში მიმდინარეობს.