გასული ორი წელი ბენ აფლეკისთვის ერთ-ერთი ყველაზე რთული აღმოჩნდა. გარდა იმისა, რომ ის ალკოჰოლიზმს ებრძოდა, კარიერაშიც სერიოზული ჩავარდნა ჰქონდა, მაგალითად, მსახიობს ბეტმენის როლზე მოუხდა უარის თქმა.

ბენს 2017 წლის შემდეგ არც ერთ ფილმში მიუღია მონაწილეობა, თუმცა მისმა ბრძოლამ შედეგი გამოიღო და ალკოჰოლიზმისგან განკურნებულ მსახიობი 2019 წელს ოთხ ახალ პროექტში გამოჩნდება.

იმის გამო, რომ ბენმა ბოლო პერიოდში წონაში მოიმატა, გადაწყვიტა ჩვეულ ფორმას დაუბრუნდეს და ამისთვის არც მეტი, არც ნაკლები, ყოფილი შეყვარებულის ჯენიფერ ლოპესის 10-დღიანი დიეტა დაიხმარა.

"ამ დიეტის დაცვა ადვილი არ არის განსაკუთრებით პირველი რამდენიმე დღე, თანაც მე პურის და შაქრის მოყვარული ადამიანი ვარ. სამაგიეროდ, თავს ახლა ჯანსაღად ვგრძნობ. ავკრძალე პური, შაქარი, რძის პროდუქტები, კოფეინი და მრავალი სხვა. თუმცა ვაღიარებ, ყავაზე უარი მაინც ვერ ვთქვი", - ამბობს ბენი.