შინაგან საქმეთა სამინისტროს ინფორმაციით, სამეგრელოში მსხვილფეხა პირუტყვის ქურდობის ბრალდებით ერთი პირი დააკავეს და ორი ამხილეს, მათ შორის ერთი არასრულწლოვანია. უწყების განცხადებით, გამოძიებით დადგინდა, რომ ბრალდებული თანამზრახველებთან ერთად ნაქურდალის უკანონო რეალიზებას ახდენდა.

საქმეზე გამოძიება წინასწარი შეთანხმებით ჯგუფის მიერ და დიდი ოდენობით ჩადენილ ქურდობის ფაქტებზე, საქართველოს სისხლის სამართლის კოდექსის 177-ე მუხლის მე-3 ნაწილის "ა" ქვეპუნქტით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.