შინაგან საქმეთა სამინისტროს ინფორმაციით, ქუთაისში ავტოგასამართი სადგურების დაყაჩაღების ბრალდებით ერთი პირი დააკავეს. უწყების განცხადებით, ბრალდებულმა დანის მუქარით ავტოგასამართი სადგურის ოპერატორს 130 ლარი გასტაცა, მოგვიანებით კი სხვა სადგურის ოპერატორს ისევ დანის მუქარით თავს დაესხა.

შსს-ში ამბობენ, რომ პოლიციამ ცივი იარაღი ნივთმტკიცების სახით ამოიღო. საქმეზე გამოძიება სისხლის სამართლის კოდექსის 179-ე მუხლის 1-ლი ნაწილით მიმდინარეობს, რაც ყაჩაღობას გულისხმობს. დანაშაული 5-დან 7 წლამდე თავისუფლების აღკვეთას ითვალისწინებს.