სახალხო დამცველი ნინო ლომჯარია ფიქრობს რომ თიბისი ბანკისა და ხაზარაძის საქმე უნდა მოექცეს ომბუდსმენის ყურადღების ქვეშ. ლომჯარიამ ჟურნალისტებთან საუბრისას თქვა, რომ მამუკა ხაზარაძის საქმეში მნიშვნელოვანი გარემოებებია.

"რეალურად ამ პირის მიმართ გამოძიება დაიწყო მას შემდეგ, რაც მაღალმა პოლიტიკურმა თანამდებობის პირებმა გააკეთეს მწვავე და კრიტიკული შეფასებები მისი პიროვნების მიმართ", — განაცხადა ნინო ლომჯარიამ.

ომბუდსმენის თქმით, მან ჰქონდა კომუნიკაცია ხაზარაძესთან, რომლისგან გამოიხატა კიდეც შეხვედრის სურვილი.

"დღეის მდგომარეობით ეს შეხვედრა არ შემდგარა. მე საქმეს არ ვიცნობ, თუმცა თუ იქნება ისეთი გარემოება, სადაც ჩვენ შეგვეძლება ჩავერთოთ როგორც ოფისი, მზად ვართ", — უთხრა ჟურნალისტებს ომბუდსმენმა.

თიბისი ბანკის საქმე

8 იანვარს გავრცელდა ინფორმაცია, რომ პროკურატურამ თიბისი ბანკიდან დოკუმენტები ამოიღო. მაშინ პროკურატურამ განმარტა, რომ თიბისი ბანკის 2008 წლის აქტივობები შეიცავდა ფულის გათეთრების ნიშნებს და მასში თიბისის დამფუძნებლები და ამავდროულად სამეთვალყურეო საბჭოს თავმჯდომარე, მამუკა ხაზარაძე და მისი მოადგილე ბარი ჯაფარიძე ფიგურირებდნენ.

ამ საქმესთან დაკავშირებით 13 თებერვალს საქართველოს ეროვნულმა ბანკმა მათი ხელმძღვანელი თანამდებობიდან გადაყენება მოითხოვა. თიბისი ბანკში ამბობდნენ, რომ აპირებენ სამართლებრივი საშუალებები გამოიყენონ ბანკისა და აქციონერების ინტერესების დასაცავად.

21 თებერვალს მამუკა ხაზარაძემ და ბადრი ჯაფარიძემ თანამდებობები დატოვეს. ეროვნული ბანკში განაცხადეს, რომ ხაზარაძის წასვლას მიესალმებიან. მათი თქმით, ეს დადებითად აისახება ბანკის გამჭვირვალობაზე.

გარდა ამისა, თიბისი ბანკმ ეროვნული ბანკის წინააღმდეგ სასამართლო დავა შეწყვიტა და განაცხადა, რომ მილიონიან ჯარიმას გადაიხდის. ამასთანავე, ბადრი ჯაფარიძე და მამუკა ხაზარაძე ეროვნული ბანკის წინააღმდეგ კერძო დავას აგრძელებენ.

25 თებერვალს დარგობრივი ეკონომიკის კომიტეტის სხდომაზე თიბისი ბანკის საქმეზე უნდა ემსჯელათ, თუმცა სხდომა საკითხის განხილვის გარეშე დასრულდა. 57 წუთის განმავლობაში დეპუტატები ფორმატზე შესათანხმებლად კამათობდნენ, თუმცა უშედეგოდ. საბოლოოდ, რომან კაკულიამ სხდომა დაასრულა.

გაიგე მეტი: