ყაზტრანსგაზ-თბილისის ინფორმაციით, ბინის მეპატრონეების დაუდევრობით გასულ კვირას, თბილისში CO-თი ათამდე ადამიანი მოიწამლა.

"ყველა მათგანი აკრძალულ და საშიშ ღია კამერიან გაზგამათბობელს ან წყალგამაცხელებელს მოიხმარდა, მოწამლულთა შორის არიან არასრულწლოვნებიც", — ნათქვამია კომპანიის განცხადებაში.

ყაზტრანსგაზ-თბილისი აფრთხილებს მოსახლეობას სასწრაფოდ ჩახსნას ღია კამერიანი წყალგამაცხელებლები და გაზგამათბობლები , რომლებიც ძალიან საშიშია და კლავს.

ყაზტარნსგაზ-თბილისის ინფორმაციით, 2018 წელს სიცოცხლისთვის საშიში მოწყობილობებისა და გაზზე დაერთების 69 133 შემთხვევა აღმოაჩინეს. მხოლოდ 2019 წლის იანვარში კომპანიის თანამშრომლების ცნობით, 2 381 ღიაკამერიანი აკრძალული გაზის დანადგარი ჩაჭრეს.