ამერიკის შეერთებულმა შტატებმა საქართველოს დახმარება 22 მილიონით გაუზარდა, რამაც 127 025 000 მილიონ დოლარი შეადგინა. ამის შესახებ ინფორმაცია აშშ-ის კონსოლიდირებული ასიგნებების აქტში (FY19 Consolidated Appropriations Act), იგივე აშშ-ს 2019 ფისკალური წლის ბიუჯეტშია ასახული.

საგარეო საქმეთა სამინისტროს ინფორმაციით, ბიუჯეტში ასახულია ისიც, რომ აშშ-ის გამოყოფილი დაფინანსებით ვერ ისარგებლებს ვერცერთი ქვეყნის ცენტრალური მთავრობა, რომელმაც აღიარა რუსეთის მიერ ოკუპირებული აფხაზეთისა და ცხინვალის რეგიონის დამოუკიდებლობა, ან მათთან დაამყარა დიპლომატიური ურთიერთობები. აგრეთვე აშშ-ის მიერ გამოყოფილი რაიმე დაფინანსება არ შეიძლება გამოყენებულ იქნეს რუსეთის მიერ აფხაზეთისა და ცხინვალის რეგიონის ოკუპაციის მხარდასაჭერად.