სექსუალური შევიწროება დღეიდან დისკრიმინაციის ფორმად მიიჩნევა. დისკრიმინაციის ყველა ფორმის აღმოფხვრის შესახებ კანონში ცვლილებების შეტანას საქართველოს პარლამენტმა მხარი მესამე მოსნით დაუჭირა. კენჭისყრაზე ცვლილებას 81-მა დეპუტატმა დაუჭირა მხარი. წინააღმდეგი იყო მხოლოდ ერთი დეპუტატი ქართული ოცნებიდან მერაბ ქვარაია.

შევიწროების ამ ფორმის განმარტება კანონმდებლობაშიც გაიწერა. კანონის პროექტით განისაზღვრა, რომ სექსუალური შევიწროება არის სექსუალური ხასიათის ნებისმიერი არასასურველი სიტყვიერი, არასიტყვიერი ან ფიზიკური ქცევა, რომელიც მიზნად ისახავს ან იწვევს პირის ღირსების შელახვას ან მისთვის დამაშინებელი, დამამცირებელი, მტრული, ღირსების შემლახველი ან შეურაცხმყოფელი გარემოს შექმნას.

სექსუალური შევიწროების დეფინიცია ჩაიწერა გენდერული თანასწორობის შესახებ კანონშიც. გარდა ამისა, იქ განისაზღვრა, რომ სექსუალური შევიწროება შრომითი ურთიერთობებისას დაუშვებელია.