აშშ-ს სახელმწიფო ვალი ისტორიაში პირველად 22 ტრილიონს გადასცდა. ქვეყნის ფინანსთა სამინისტროს განცხადებით, 2017 წლის 20 იანვარს, როდესაც დონალდ ტრამპმა ადმინისტრაცია გადაიბარა სახელმწიფო ვალი 19,95 ტრილიონი იყო.

როგორც Associated Press წერს, ვალის ზრდა დაჩქარდა მას შემდეგ, რაც დონალდ ტრამპმა საგადასახადო რეფორმა შემოიღო, რის შედეგადაც სახელმწიფო ბიუჯეტმა 1,5 ტრილიონი დაკარგა. გარდა ამისა, ვალზე სამხედრო ხარჯებმა და სოციალურმა შეღავათებმა იმოქმედა.

სახელმწიფო ვალი ფედერალური ბიუჯეტის წლიური დეფიციტის ჯამია. კონგრესის საბიუჯეტო მართვის პროგნოზით, 2019 წელს დეფიციტი 897 მილიარდ შეადგენს. ეს დაახლოებით 15 პროცენტით მეტია წინა წელთან შედარებით, როდესაც დეფიციტი 779 მილიარდს შეადგენდა. ისინი ფიქრობენ, რომ დეფიციტის ზრდა მომდევნო წლებშიც გაგრძელდება და 2020 წლისთვის ტრილიონს გადასცდება.

თეთრ სახლში ამტკიცებენ, რომ კორპორატიული გადასახადების შემცირება ეკონომიკის ზრდის დაჩქარებით დაკომპენსირდება.