შინაგან საქმეთა სამინისტრომ ყოფილი ცოლის დაჭრის ბრალდებით კაცი დააკავა. უწყების განცხადებით, ბრალდებულმა ქალი თბილისში, ხორაშაულის ქუჩაზე სიტყვიერი შელაპარაკებისა და მუქარის შემდეგ დაჭრა და შემთხვევის ადგილიდან მიიმალა. ის ყაზბეგში დააკავეს.

უწყების ინფორმაციით, დაჭრილი ქალი საავადმყოფოში გადაიყვანეს. ამჟამად დაზარალებულის სიცოცხლეს და ჯანმრთელობას საფრთხე აღარ ემუქრება.

გამოძიება ჯანმრთელობის განზრახ მძიმე დაზიანების საქმეზე, საქართველოს
სსკ-ს 11-117-ე მუხლის 1-ლი ნაწილით მიმდინარეობს. ჩადენილი დანაშაული 3-დან 6 წლამდე ვადით თავისუფლების აღკვეთას ითვალისწინებს.