My Best Friend's Wedding-ის მსახიობები 22 წლის შემდეგ თავიდან შეიკრიბნენ

ჩემი საუკეთესო მეგობრის ქორწილის გამოსვლიდან 22 (!) წელი გავიდა, თუმცა ამერიკული რომანტიკული კომედიის გმირები ჩვენი გულების დაპყრობას ძველებურად ახერხებენ.

ამიტომაც, Entertainment Weekly-იმ გადაწყვიტა, რომ ჯულია რობერტსი, კამერონ დიაზი, დერმოტ მალრუნი და რუპერტ ევერეტი ერთად შეეკრიბა.

როგორც გამოცემა წერს, ჯულია რობერტსი და დერმოტ მალრუნი, რომლებიც რეალურ ცხოვრებაშიც მეგობრობენ, ჩაწერაზე ერთად მივიდნენ.

"კამერონი გვაჩვენეთ!" - ეს იყო ჯულიას პირველი სიტყვები, როცა ინტერვიუზე გამოცხადდა. გამოცემა რობერტსა და მალრუნს ჰოლივუდის ყველაზე კაშკაშა ღიმილის პატრონებს უწოდებს, რამაც, გუნდის გადამდებ ენერგიასთან ერთად, ფოტოსტუდია ხალისით აავსო.