დღეს, 6 თებერვალს ზაზა სარალიძემ გენპროკურორთან შეხვედრის შემდეგ თქვა, რომ მისი შთაბეჭდილებით, მთავარი რგოლები არასწორ ინფორმაციას აწვდიან შალვა თადუმაძეს ხორავას ქუჩის საქმეზე. სარალიძე აცხადებს, რომ მისი პრეტენზიები მთავარი პროკურორისთვის ცნობილი არ არის.

გენპროკურორთან შეხვედრის შემდეგ სარალიძემ ასევე თქვა, რომ მომავალი კვირის სამშაბათს, 12 თებერვალს შევხვდება ყველა იმ საქმის პროკურორს, რომელიც არის აღძრული ხორავას ქუჩის საქმის ირგვლივ:

"ვისაუბრეთ იმ დარღვევებზე, რასაც მე ვთქვი, რომ პროკურორები აკეთებენ სააპელაციო სასამართლოში და რაზეც პრეტენზიები მქონდა. სამშაბათს გადაწყდება ყველაფერი, ოქმებს უნდა გავეცნოოო გამცა პასუხი. მე შთაბეჭდილება დამრჩა, რომ ის მთავარკ რგოლები არასწორ ინფორმაციას აწვდიან გენერალურ პროკურორს. ჩემი პრეტენზიები მთავარი პროკურორისთვის ცნობილი არ არის".

ზაზა სარალიძემ შესვლამდე ჟურნალისტებს უთხრა, რომ მთავარი შეკითხვა პროკურორთან ექნება, თუ ვინ მოკლა მისი შვილი და რას გეგმავს საგამოძიებო უწყება

ზაზა სარალიძე ადვოკატთან და მხარდამჭერებთან ერთად დღეს, 6 თებერვალს მთავარ პროკურორთან შესახვედრად მივიდა. იგი პროკურატურის ეზოში შევიდა, თუმცა შენობაში სესვლის უფლება უსაფრთხოების სამსახურმა არ მისცა. სარალიძეს პროკურატურის შენობა ძალის გამოყენებით დაატოვებინეს, რის შემდეგაც შესასვლელთან პოლიციის კორდონი გაჩნდა.