არაობიექტური, აბსურდის თეატრი — ვინ როგორ შეაფასა ქართული ოცნების პოლიტსაბჭოს განცხადება
ქართული ოცნების პოლიტსაბჭომ სასამართლო ხელისუფლების საკითხზე განცხადება გაავრცელა. განცხადებაში ნათქვამია, რომ მიმდინარეობს სასამართლო ხელისუფლების უსამართლო, უკანონო და აბსოლუტურად მიუღებელ დისკრედიტაცია.
მათივე თქმით, პროცესი პოლიტიკური ძალების მიერ არის მართული და მისი მიზანია, დასაჯონ ყოფილი ხელისუფლების გავლენებიდან გასული "ურჩი" მოსამართლეები. პოლიტსაბჭოს წევრები დისკრედიტაციის მცდელობაში ნაციონალურ მოძრაობას და არასამთავრობო ორგანიზაციების ნაწილს ღიად ადანაშაულებენ.
ქართული ოცნების პოლიტსაბჭოს განცხადებას არაერთგვაროვანი გამოხმაურება მოჰყვა როგორც მმართველ გუნდში, ისე ოპოზიციაში.
ქართული ოცნება
პოლიტსაბჭოს განცხადება "ბოლო წვეთი" აღმოჩნდა გედევან ფოფხაძისთვის. მისი თქმით, ეს განცხადება მხარს უჭერს მოსამართლეებს, რომლებიც პოლიტიკურ ველზე შემოიჭრენ. გედევან ფოფხაძის აზრით, ეს პროცესების ობიექტური შეფასება არ არის და სრულად სცდება მის პოზიციას.
"მე მომეჩვენა, რომ განცხადება წარმოადგენს მოსამართლეთა კორპუსისა და იუსტიციის საბჭოს იმ მოსამართლეების მხარდაჭერას, რომლებიც ამ დღეებში აკეთებდნენ პოლიტიკურ განცხადებებს, პოლიტიკური პოზიციით. ჩემი აზრით, აქცენტები კეთდება, რომ სასამართლოში კარგი სიტუაცია გვაქვს, რასაც თავს ესხმის ნაციონალური მოძრაობა და ამის უფლება არ უნდა მივცეთ. ეს ობიექტური რეალობა არ არის", — განაცხადა გედევან ფოფხაძემ.
მისივე თქმით, ის უმრავლესობის დატოვებას გეგმავს, რადგან უმრავლესობას ღირებულებებით დაშორდა. დეპუტატმა ასევე თქვა, რომ ხვალ, 6 თებერვალს ჩანიშნულ უმრავლესობის სხდომაზე არ მივა.
ფრაქცია ქართული ოცნების თავმჯდომარე, მამუკა მდინარაძე გაკვირვებულია გედევან ფოფხაძის გაცხადებით.
მისი თქმით, თუ მართლა ამ საკითხთანაა დაკავშირებული გედევან ფოფხაძის პოზიცია, არსებობს წინა დღეების ისტორიაც, როცა პროცედურებთან და კრიტერიუმებთან დაკავშირებით მას წინააღმდეგობა არ ჰქონია.
"დღეს არ არის პერსონებზე საუბარი. იმ საკითხზე, რაზეც ჩვენ ვმსჯელობთ უმრავლესობის შიგნით, არ შეიძლება რადიკალურად განსხვავებული აზრი იყოს. ყველა საერთო პრინციპი სასამართლოს დამოუკიდებლობიდან ამოდის", — განაცხადა მდინარაძემ.
უცნობია, დატოვებენ თუ არა ქართულ ოცნებას ეკა ბესელია, ლევან გოგიჩაიშვილი და ის გუნდი, რომელიც იუსტიციის საბჭოს მიერ უზენაესის მოსამართლეთა თანამდებობაზე წარდგენილ კანდიდატებს ღიად დაუპირისპირდა.
ლევან გოგიჩაიშვილის თქმით, "ლევან მურუსიძე არ უნდა იყოს სასამართლოს წევრი უკუნითი უკუნისამდე".
"სასამართლო რეფორმა საერთო სახალხო დაკვეთა იყო, მაგრამ სახალხო დაკვეთა არ ყოფილა ჩინჩალაძე დარჩენილიყო სააპელაციოს თავმჯდომარედ, მურუსიძე ყოფილიყო ლიდერი მოსამართლე, არც გვრიტიშვილზე და არც მიქაუტაძეზე დაკვეთა არ ყოფილა", — განაცხადა ლევან გოგიჩაიშვილმა.
მისი თქმით, იუსტიციის საბჭოს პოლიტიზირება ხდება, რაც მიუღებელია. მისივე განცხადებით, სასამართლოს სჭირდება დამოუკიდებელი მოსამართლეები და არა შეკრული გუნდი, რომელიც სადღეგრძელოებით გვესაუბრება.
საქართველოს პარლამენტის თავმჯდომარის ვიცე-სპიკერის, თამარ ჩუგოშვილის თქმით, ის არ იზიარებს პოლიტსაბჭოს შეფასებას, რომ ყველა ვინც კრიტიკულადაა განწყობილი არის მართული ერთი პოლიტიკური ძალისგან.
"ბევრ ადამიანს აქვს კრიტიკული მოსაზრებები და ამ მოსაზრებებს თავისი საფუძველი აქვს. ვიზიარებ იმ ნაწილს, სადაც საუბარია, რომ დისკუსია სამუშაო რეჟიმში უნდა დაბრუნდეს. მე მინდა მჯეროდეს, რომ აქამდე მივალთ, თუმცა წინ გველის მძიმე პროცესი", — განაცხადა თამარ ჩუგოშვილმა.
ქართული ოცნების გენერალური მდივნის, კახა კალაძის თქმით, როცა პარტია შიგნით შეთანხმდება საჯაროდ იმავე საკითხზე განსხვავებული პოზიციების დაფიქსირება არასწორია. ის ამბობს, რომ ეს პროცესი ხელს უწყობს გუნდის რღვევას.
"ვისაც სურვილი აქვს გუნდის დატოვების, კარი არის ღია", — თქვა კალაძემ თანაგუნდელებზე.
ნაციონალური მოძრაობა
ნაციონალური მოძრაობის დეპუტატის ნიკა მელიას თქმით, აღარ უკვირთ, რომ ქართული ოცნება ყველა კრიზისს მათ აბრალებს.
"რომელი ერთი გაგახსენოთ? ლარი რომ უფასურდებოდა გვაბრალებდნენ ჩვენ. იქამდეც მივიდნენ, რომ საარჩევნო კამპანიის ფარგლებში ლარის გაუფასურება გრიგოლ ვაშაძეს დააბრალეს. ქართული ოცნება დღემდე ვერ აცნობიერებს პასუხისმგებლობას, რომ ანგარიშვალდებულები არიან ხალხის წინაშე", — განაცხადა ნიკა მელიამ.
მისი თქმით, ქართული ოცნების წევრებმა ერთმანეთის მიმართ დაუნდობელი ანგარიშსწორება დაიწყეს.
"ქართული ოცნება თავისი ხელისუფლებაში ყოფნის ბოლო ეტაპს ასრულებს. ისინი სლალომით ეშვებიან ქვევით, ვარდებიან და მათი ხელისუფლებაში ყოფნის ცოტა დრო დარჩა", — განაცხადა ნიკა მელიამ.
ევროპული საქართველო
აბსურდის თეატრი გრძელდება — ასე აფასებს ევროპული საქართველოს წევრი, დეპუტატი გიგა ბოკერია ქართული ოცნების პოლიტსაბჭოს განცხადებას.
მისი თქმით, ქართული ოცნება აგრძელებს წარსულისკენ თითის გაშვერას, თვითკმაყოფილებასა და ოპონენტების დემონიზებას.
"ქართული ოცნება ამბობს, რომ მიღწევაა, როცა სასამართლო ყოფილ ხელისუფლებას არ ემორჩილება და დღევანდელ ხელისუფლებას ემორჩილება", — განაცხადა გიგა ბოკერიამ.
მისი თქმით, ქართულმა ოცნებამ ქვეყანა ჩიხში შეიყვანა, თუმცა ამას ვერ იაზრებს. ის ასევე ფიქრობს, რომ სასამართლოსთან დაკავშირებული საკითხები ივანიშვილის გუნდის შეცვლამდე შეუძლებელი იქნება.
"ჩვენი ამოცანაა ხელი შევუშალოთ ამ სისტემის ჩაბეტონებას და რაღაც ეტაპზე უკან დავახევინოთ", — განაცხადა გიგა ბოკერიამ.
-
გადახედვაპარლამენტთან ახალგაზრდები აქციას მართავენ — რუსთაველი გადაკეტილია პარლამენტთან ახალგაზრდები აქციას მართავენ — რუსთაველი გადაკეტილია
-
გადახედვააზერბაიჯანში, "ამორალური კონტენტის" გამო, 60-მდე ტიკტოკერი დასაჯეს აზერბაიჯანში, "ამორალური კონტენტის" გამო, 60-მდე ტიკტოკერი დასაჯეს
-
გადახედვაროგორი იყო უძველესი ადამიანების ევოლუცია — კვლევა როგორი იყო უძველესი ადამიანების ევოლუცია — კვლევა
-
გადახედვარაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან რაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან
-
გადახედვაჩახუტება ტკივილს, შფოთვასა და დეპრესიას მართლაც ამსუბუქებს — კვლევა ჩახუტება ტკივილს, შფოთვასა და დეპრესიას მართლაც ამსუბუქებს — კვლევა
-
გადახედვასაერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი საერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი
-
გადახედვატეილორ სვიფტი 19 აპრილს ახალ ალბომს უშვებს —ყველაფერი, რაც ალბომზე უნდა იცოდე ტეილორ სვიფტი 19 აპრილს ახალ ალბომს უშვებს —ყველაფერი, რაც ალბომზე უნდა იცოდე
-
გადახედვაარ უღალატოთ ქართველი ხალხის უმრავლესობის მისწრაფებებს, მიმართავენ ევროპარლამენტარები საქართველოს მთავრობასა და პარლამენტს არ უღალატოთ ქართველი ხალხის უმრავლესობის მისწრაფებებს, მიმართავენ ევროპარლამენტარები საქართველოს მთავრობასა და პარლამენტს
-
გადახედვანახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა ნახეთ: Boston Dynamics-მა ახალი ჰუმანოიდი რობოტი წარადგინა — ის სრულად ელექტროა
-
გადახედვახოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი ხოაკინ ფენიქსის ნაპოლეონი საშინელებაა, მე უკეთესად ვითამაშებდი — ბრაიან კოქსი
-
გადახედვაამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი ამ აქციებმა დაგვანახეს საჭიროება და ხალხის მხარდაჭერა ამ კანონის მიმართ — შალვა პაპუაშვილი
-
გადახედვაგიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ გიორგი ჯანელიძე: კანონი გამოყენებული იქნება ბოროტად და შერჩევით, ამიტომ მოგვიწოდებენ დასავლეთიდან მისი არ მიღებისკენ
-
გადახედვაპრეზიდენტმა ვეტო დაადო ქალთა კვოტირების გაუქმების კანონებს პრეზიდენტმა ვეტო დაადო ქალთა კვოტირების გაუქმების კანონებს
-
გადახედვაკვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს კვენტინ ტარანტინო ბოლო ფილმს, რომელშიც ბრედ პიტს უნდა ეთამაშა, აღარ გადაიღებს
-
-
გადახედვათამთა კალანდაძის ინფორმაციით, ლაზარე დღეს ან ხვალ გამოვა ციხიდან თამთა კალანდაძის ინფორმაციით, ლაზარე დღეს ან ხვალ გამოვა ციხიდან
-
გადახედვაუშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი მაქვს მოტეხილი — ელისაშვილი უშუალოდ ვაჟა სირაძის მითითებით რამდენიმე პოლიციელმა შემათრია, მირტყამდნენ გამეტებით, ერთი ნეკნი მაქვს მოტეხილი — ელისაშვილი
-
გადახედვაქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო ქოაჩელას მუსიკალურ ფესტივალზე ლანა დელ რეისა და ბილი აილიშის დუეტი შედგა — ვიდეო
-
გადახედვამარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ მარიამ დოლიძე: საშინელი ტკივილები მაქვს, გამაყუჩებლის გარეშე ვერ ვძლებ
-
-
კომენტარები