საგარეო საქმეთა მინისტრი, მიხეილ ჯანელიძე ევროპარლამენტის კომიტეტის მიერ უვიზო რეჟიმის შემოღების შესახებ ანგარიშის კენჭისყრას ეხმიანება, რომელზეც კომიტეტის წევრთა უმრავლესობამ საქართველოს ვიზალიბერალიზაციას მხარი დაუჭირა.

ის განმარტავს, რომ აღნიშნული გადაწყვეტილება არის პოლიტიკური მხარდაჭერა არა მხოლოდ ტექნიკური შეფასებისა და განხორციელებული ქმედებებისა, არამედ ევროკავშირის და ევროპარლამენტში არსებული პოლიტიკური პარტიების მხრიდან საქართველოს ვიზალიბერალიზაციის პოლიტიკური მხარდაჭერა:

"მთავარია, რომ შეუფერხებლად მიმდინარეობს პროცესი. მთავარია, რომ არსებობს პოლიტიკური მხარდაჭერა და დანარჩენი პროცედურების და დროის საკითხია".

5 სექტემბერს საქართველოსთვის ვიზალიბერალიზაციის მინიჭების საკითხს ევროპარლამენტის მართლმსაჯულებისა და სამოქალაქო საკითხების კომიტეტმა (LIBE) 44 ხმით, 5-ის წინააღმდეგ მხარი დაუჭირა.