თბილისში, ისანში, ქეთევან წამებულის გამზირზე გაზით შვიდი ადამიანი გარდაიცვალა. როგორც ყაზტრანსგაზ-თბილისში On.ge-ს უთხრეს, სახლში CO (გაზის ნამწვი) დაგროვდა და გარდაცვალების მიზეზი ეს გახდა.

ადგილზე მივიდა გაზგამანაწილებელი კომპანიის წარმომადგენელი. მისი თქმით, წყლის გამათბობელი კომპანიის თანამშრომლებმა 2018 წლის მარტში ჩახსნეს, თუმცა ის თვითნებურად დააერთეს.

შინაგან საქმეთა სამინისტროს ინფორმაციით, მიმდინარეობს გარდაცვლილთა ვინაობის დადგენა. მომხდართან დაკავშირებით დამატებით ინფორმაციას კი, მოგვიანებით გაავრცელებენ.