ლაგოდეხში მომხდარ ავარიას მცირეწლოვანი ემსხვერპლა. ამავე ავტოსაგზაო შემთხვევის შედეგად სამი ადამიანი დაშავდა. ინფორმაცია On.ge-ს შინაგან საქმეთა სამინისტროში დაუდასტურეს.

უწყების ინფორმაციით, მსუბუქი ავტომობილი ხეს შეეჯახა. საქმეზე გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. ამ მუხლით გათვალისწინებულია პატიმრობა 4-დან 7-წლამდე.