NDI-ის კვლევის თანახმად, საქართველოს მოსახლეობის 71%-ს მიაჩნია, რომ პარლამენტი მეტწილად პოლიტიკური კინკლაობით არის დაკავებული. გამოკითხულთა მხოლოდ 33% ფიქრობს, რომ პარლამენტმა წინ წამოწია მნიშვნელოვანი საკითხები, რომლებსაც სარგებლობა მოაქვს ქვეყნისთვის.

28%-ს მიაჩნია, რომ პარლამენტმა ეფექტური ზედამზედველობა გაუწია მთავრობას მათი საქმიანობის გაუმჯობესების მიზნით. 23% კი ფიქრობს, რომ პარლამენტმა შეძლო ქვეყნისთვის მნიშვნელოვანი საკითხების გამოძიება.

ფოტო: ND

გამოკითხულთა 51%-ს მიაჩნია, რომ პარლამენტის წევრები არ ითვალისწინებენ მათ შეხედულებებს. ეს რიცხვი 2016 წლის მარტში 61%-ს შეადგენდა, 2017 წლის დეკემბერში კი 46%-ს.

ამავე კითხვას გამოკითხულთა 45%-მა დადებითი პასუხი გასცა. 2016 წლის მარტში კი გამოკითხულთა მხოლოდ 28% თვლიდა, რომ პარლამენტი მათ აზრს ითვალისწინებს.

ფოტო: ND

გამოკითხულთა აბსოლუტური უმრავლესობა აცხადებს, რომ პარლამენტის საქმიანობაში ჩართული არ არის. კერძოდ, 92% არ დასწრებია პარლამენტის წევრის მიერ ორგანიზებულ საჯარო შეხვედრას. 98% არ დასწრებია კომიტეტის სხდომას, 97%-ს კი კანონმდებლობა არ შუეფასებია.

ფოტო: ND

მოსახლეობის 72% ფიქრობს, რომ პარლამენტარები იმას გააკეთებენ, რასაც პარტია ეტყვის. 60%-ს კი მიაჩნია, რომ პარლამენტარები მხოლოდ საკუთარ ინტერესებს დაიცავენ.

ფოტო: ND

გარდა ამისა, გამოკითხულთა 57% ფიქრობს, რომ პარლამენტარები საკუთარი აზრით უნდა ხელმძღვანელობდნენ, თუნდაც საკუთარი პარტიის წინააღმდეგ მიდიოდნენ.

ფოტო: NDI

რაც შეეხება პარლამენტის სპიკერს მის საქმიანობას დადებითად აფასებს გამოკითხულთა 38%. ცუდად კი 24%.

ფოტო: ND

ეროვნულ დემოკრატიული ინსტიტუტის (NDI) კვლევის საველე სამუშაოები 2018 წლის 6-20 დეკემბერს ჩატარდა. კვლევის ფარგლებში 2 205 დასრულებული ინტერვიუ შედგა. საშუალო ცდომილების ზღვარი +/- 2,1 პროცენტი.