შინაგან საქმეთა სამინისტროს ცნობით, 26 იანვარს ვანის რაიონის სოფელ სულორში ურთიერთშელაპარაკების ნიადაგზე შვილმა მამა მოკლა. ბრალდებული დაკავებულია და ოჯახში ჩადენილი დანაშაულის ნიადაგზე ჩადენილი განზრახ მკვლელობა ედება ბრალად.

უწყებაში განმარტავენ, რომ ბრალდებულმა მამას სიცოცხლისათვის სახიფათო დაზიანებები მიაყენა და შემთხვევის ადგილიდან მიიმალა. კაცი მიღებული დაზიანებებით ადგილზე გარდაიცვალა.

შსს-ს ცნობით, ბრალდებული ჩადენილ დანაშაულს აღიარებს. ბრალდება 13-დან 17 წლამდე თავისუფლების აღკვეთას ითვალისწინებს.