კომპანია ყაზტრანსგაზ თბილისი დიდ დიღომში მომხდარ აფეთქებასთან დაკავშირებით განცხადებას ავრცელებს. კომპანიაში არ საუბრობენ იმაზე, იმყოფებოდნენ თუ არა მათი წარმომადგენლები დღეს ამ კორპუსის შესამოწმებლად. თუმცა, ამბობენ, რომ საგანგებო რეჟიმში მუშაობენ და ოფიციალურ განცხადებას დეტალების დაზუსტების შემდეგ გაავრცელებენ.

შინაგან საქმეთა სამინისტროს ინფორმაციით, ყაზტრანგაზის ის ბრიგადა, რომელიც დღეს აფეთქების ადგილზე გაზის შესამოწმებლად იყო დაკითხვაზე იმყოფება. შსს მომხდარზე გამოძიებას აწარმოებს, თუმცა, რა მუხლით უცნობია.

დიდ დიღომში მომხდარი აფეთქების შედეგად 4 ადამიანი დაიღუპა, მათ შორის ერთი 4 წლის ბავშვია. შემთხვევის შედეგად 6 ბავშვი დაშავდა, მათგან ერთ-ერთის მდგომარეობა შედარებით მძიმეა. შსს მომხდარზე გამოძიებას აწარმოებს, თუმცა, რა მუხლით უცნობია.

დიდ დიღომში მომხდარი ტრაგედიის გამო 17 იანვარი გლოვის დღედ გამოცხადა.