დიდ დიღომში აფეთქების შედეგად დაშავებული ერთ-ერთი ბავშვი გარდაიცვალა. ამის შესახებ ჟურნალისტებს ინფორმაცია ექიმმა დაუდასტურა.

იმედის კლინიკის ექიმის თქმით, 4 წლის ბავშვს კლინიკაში მიყვანისას გული ჰქონდა გაჩერებული და მრავლობითი დაზიანება აღენიშნებოდა. მისივე განმარტებით, გულის რიტმის აღდგენა მოყვანიდან ნახევარ საათში მოხერხდა, თუმცა გული რამდენიმე ხანში გული ისევ გაჩერდა.

ბოლო ინფორმაციით, აფეთქების შედეგად სამი ადამიანი გარდაიცვალა, ხოლო ექვსი დაშავდა.

საპატრულო პოლიცის უფროსის, თეიმურაზ კუპატაძის ცნობით, კორპუსი, სადაც აფეთქება მოხდა, მაცხოვრებლებმა უკვე დაცალეს.

აფეთქების შედეგად, ასევე დაზიანებულია კიდევ რამდენიმე სართული, მათ შორის პირველი სართული, ჩავარდნილია ლიფტი. ადგილობრივების ცნობით, მთელი დღის განმავლობაში კორპუსში გაზის სუნი იგრძნობოდა. ადგილზე იმყოფება საგანგებო სიტუაციების მართვის სამსახური, სასწრაფო სამედიცინო დახმარება