არაფერი შეედრება იმ შეგრძნებას, როცა თქვენთვის ძვირფასი ადამიანი საჩუქარს ხსნის და უთქმელად ხვდებით, რომ მიზანში მოახვედრეთ, თუმცა ეს შეგრძნება თავისით არ ჩნდება და მას წინ მრავალსაათიანი ფიქრი უძღვის ხოლმე.

Buyers უკვე ორი წელია, არსებობს და ყველა სფეროში ქმნის ხარისხის სტანდარტს: იქნება ეს ტანსაცმელი, სამკაული, თავის მოვლის საშუალებები, სახლის აქსესუარები, ტექნიკა თუ საკანცელარიო ნივთები.

საიტზე განთავსებულ უამრავ პროდუქტს შორის ჩვენ ის 13 ნივთი ავარჩიეთ, რომელიც უყოყმანოდ შეგიძლიათ აჩუქოთ თქვენთვის ძვირფას ადამიანებს ან, სულაც, თქვენს თავს:

1. ქოთანი - უნიქორნი იმ მეგობრისთვის, რომელიც სუკულენტებზე გიჟდება

ფოტო: Firebox

  • ჯადოსნური სახლი კაქტუსებისა თუ სუკულენტებისათვის
  • აქვს დრენაჟი იმ შემთხვევისთვის, თუ ზედმეტად მორწყავთ მცენარეს
  • აქვს ოქროსფერი რქა და ცისარტყელისფერი ძუა

ფასი: 29 ₾

2. ვერცხლში ამოვლებული საყურე, რომელსაც წვეულებაზე თვალს ვერავინ მოაცილებს

ეს საყურე, რომელიც რეალურად კიდევ უფრო ლამაზია, ყველაზე სადა კაბასაც კი გამოაცოცხლებს. სურვილისამებრ, ქვედა რგოლის მოხსნა შესაძლებელია.

ფასი: 93,60 ₾

3. უსადენო ყურსასმენი, რომელიც იმდენადვე ლამაზია, რამდენადაც - კომფორტული

ეს მსუბუქი და დახვეწილი ყურსასმენი არაჩვეულებრივი საჩუქარი იქნება ნებისმიერი მელომანისთვის.

  • 14-საათიანი უწყვეტი მუშაობის რეჟიმი
  • ხმის სრული იზოლაცია
  • რბილი ტყავისგან დამზადებული "ბალიშები"
  • პირდაპირ ყურსასმენზე მიმაგრებული საკონტროლო ღილაკები, საიდანაც ხმის აწევა, დაწევა და შემდეგ სიმღერაზე გადასვლა შეიძლება.

ფასი: 400 ₾

4. სახლის ფეხსაცმელი, რომელიც მოგანდომებთ, მთელი ზამთარი შინ გაატაროთ

დიდი ხანია, ამ ფისომ, რომელსაც პუშინი ჰქვია, ვირტუალური სტიკერებიდან რეალურ ცხოვრებაში გადმოინაცვლა. ამ რბილ ფეხსაცმელს ყველაზე უღიმღამო დღის გალამაზება შეუძლია.

ფასი: 36 ₾

5. უსადენო სპიკერი, რომელიც წვეულებებზე და მოგზაურობისას შეუცვლელი ნივთი გახდება

  • ელემენტის ხანგრძლივობა 3-4 საათი (მაქსიმალურ ხმაზე თუ არის ჩართული)
  • იტენება 1,5 საათში
  • ზომა 42 x 42 x 48 მმ.
  • ხმის სიმძლავრე: 60 დეციბელი.

ფასი: 98,40 ₾

6. სუპერ მარიოთი შთაგონებული ჭიქა ყავისა და ნოსტალგიის დღიური დოზისთვის

90-იანებში დაბადებულებს, რომლებიც გულის სიღრმეში მუდამ მარიოს ფანებად დარჩნენ, ეს საჩუქარი უზომოდ გაახარებდათ.

ფასი: 17 ₾

7. პოლაროიდი OneStep 2 საუკეთესო მომენტების აღსაბეჭდად

პოლაროიდი ისეთი საჩუქარია, რომელიც შეუძლებელია, შეუფერებელი აღმოჩნდეს. თან, მეგობრისთვის ამ ნივთის ჩუქებით საკუთარ თავსაც ჩუქნით უსაყვარლეს ნოსტალგიურ ფოტოებს, რომელთაც ციფრული ფოტოებისგან განსხვავებით, სხვა ფერები აქვთ.

ფასი: 503,10 ₾

8. ხავერდის წელის ჩანთა, რომელიც ცხოვრების გასამარტივებლადაა შექმნილი

ეს ჩანთა, რომელიც კლუბში და საზღვარგარეთ ერთნაირად გამოგადგებათ, ტევადი და კომფორტულია.

ფასი: 100 ₾

9. ცარცის დაფა ყველაზე ორგანიზებული და კრეატიული ადამიანებისათვის

ვინ თქვა, რომ დაფის ადგილი მხოლოდ საკლასო ოთახშია? ეს წებოვანი დაფა (ზომებით 30 სმ x 45 სმ) არაჩვეულებრივი იქნება კედლისთვის, მაცივრისთვის, კარისთვის და ასე შემდეგ. მისი მოხსნა და სხვაგან გადატანა ასევე ძალიან მარტივია. თან მოჰყვება ცარცი და ცარცის დამჭერი.

ფასი: 16 ₾

10. ფედონის წიგნი Designer Maker User, რომელიც საუკეთესო საჩუქარი იქნება ყველასთვის, ვისაც დიზაინი უყვარს

წიგნი დიზაინის შესახებ სწორედ ასეთი ლამაზი და დახვეწილი უნდა იყოს. მასში მოცემულია ვრცელი და საინტერესო გზა, რომელიც დიზაინმა გაიარა - ინდუსტრიული რევოლუციიდან ციფრულ გადატრიალებამდე.

ნაცვლად სწორხაზოვანი ქრონოლოგიისა, აქ ნახავთ ინტერაქციას შემოქმედებითი პროცესის სამ მთავარ მონაწილეს შორის: ვგულისხმობთ დიზაინერს, შემქმნელსა და მომხმარებელს.

ფასი: 70 ₾

11. იარაღის ფორმის მაღვიძარა ძილისგუდა მეგობრისთვის

ის, რაც ამ მოწყობილობის შესახებ უნდა იცოდეთ:

  • თუ რომელიმე ზედაპირს დაუმიზნებთ, დრო პროექციით გამოისახება
  • ბალიშის ქვეშ დადების შემთხვევაში ვიბრაცია ღრმა ძილიდანაც გამოგიყვანთ.
  • აქვს Snooze ღილაკი "კიდევ 5 წუთიც და ავდგები" სიტუაციებისთვის

ფასი: 47,50 ₾

12. Mario Badescu-ს მკვებავი ზეთი, რომლის სურნელიც მთელი დღის განმავლობაში გაგყვებათ

ეს მსუბუქი მკვებავი ფორმულა ზამთარში ნებისმიერ კანს შეუნარჩუნებს სიჯანსაღესა და მბზინვარებას. ვარდის ნაყოფისგან მიღებული ზეთი და ექსტრაქტი ცხიმოვანი მჟავებისა და C ვიტამინის ბუნებრივი წყაროა, რაც სინათლეს მატებს კანს. Mario Badescu-ს რჩევაა, ეს პროდუქტი მუდამ თან იქონიოთ და უბრალოდ 1-2 წვეთი დაიტანოთ ხოლმე გამომშრალ ადგილებში.

ფასი: 40,60 ₾

13. გასაბერი ჩარჩო ფოტოებისთვის, რომელზეც ყველაზე პრეტენზიულ ადრესატსაც კი გაეღიმება

მეგობრის დაბადების დღე კარზე ისე მოგადგათ, რომ საერთოდ არ გახსოვდათ? ნუ იდარდებთ, ეს ჩარჩო აუცილებლად გააღიმებს საჩუქრის ადრესატს, რომელსაც, სავარაუდოდ, ფოტოების გადაღება უყვარს.

ფასი: 19,20 ₾