საქართველოს პრეზიდენტმა სალომე ზურაბიშვილმა დღეს, 11 იანვარს გამართულ პრესკონფერენაციაზე თქვა, რომ ვერ შეაფასებს ეკონომისტის რეიტინგს, რომლის მიხედვით საქართველოს დემოკრატიის ინდექსი დაეცა. სალომე ზურაბიშვილი ამბობს, რომ ეკონომისტი არ არის საერთაშორისო ორგანიზაცია და არ არის "საარჩევნო შეფასებების ორგანიზაცია"

"არ ვიცი დავეთანხმო თუ არა [ეკონომისტის ანგარიშს], მაგრამ თქვენ არ შეიძლება ახსენოთ ერთად ეკონომისტის და საერთაშორისო ორგანიზაციების შეფასებები".

სალომე ზურაბიშვილმა თქვა, რომ არჩევნების შესახებ საერთაშორისო ორგანიზაციების დასკვნაში "უარყოფითი ანალიზები არ უნახავს".

"ყველგან არის შენიშვნები, ხარვეები, არსად არ ტარდება იდეალური არჩევნები, მაგრამ არცერთ ორგანიზაციას მკვეთი პოზიცია არ დაუჭერია. თუარა ერთი საკითხი რომელიც ნამდვილად არის დემოკრატიის დარღვევა და ესაა ორი პარტიის მიერ არჩევნების შედეგების არაღიარება".

9 იანვარს გამოქვეყნებული The Economist ანგარიშის მიხედვით, საქართველოს პოზიციები 2018 წლის დემოკრატიის ინდექსში 10 ადგილით გაუარესდა. 2017 წელს საქართველო აღნიშნულ ინდექსში 79-ე ადგილს იკავებდა, 2018 წელს კი 89-ზე გადაინაცვლა. ამის მიზეზად, კვლევაში უმთავრესად საპრეზიდენტო არჩევნების მეორე ტურს და პოლიტიკური ძალაუფლების ერთი პოლიტიკური ჯგუფის ხელში კონცენტრაციას ასახელებენ. კვლევაში განსაკუთრებული აქცენტი ბიძინა ივანიშვილის ფიგურაზე კეთდება.