ერთიანი ნაციონალური მოძრაობის ყოფილი წევრი და პოლიტიკური ბლოკის პაატა ბურჭულაძე - სახელმწიფო ხალხისთვის ერთ-ერთი ლიდერი მიიჩნევს, რომ ნაციონალური მოძრაობა დატოვეს ყველაზე პროფესიონალმა ადამიანებმა, რომელთაც რეალურად შეეძლოთ პარტიის რეფორმირება. ამის შესახებ ვაშაძემ ტელეკომპანია პირველის ეთერში ისაუბრა:

"პირველი რაც მინდა ვთქვა, რომ, ვფიქრობ, რომ ყველაზე პროფესიონალმა ადამიანებმა ნამდვილად დატოვეს ნაციონალური მოძრაობა. იმ ადამიანებმა, მათ შორის მეც, ვინც მართლა ცდილობდა ნაციონალური მოძრაობის რეფორმირებას, ცვლილებებს. მე ვფიქრობ, რომ ნაციონალურ მოძრაობაში დარჩნენ ადამიანები, რომელთაც არავითარი საერთო არ აქვთ ცვლილებებთან."

გიორგი ვაშაძე ნაციონალური მოძრაობის ხელისუფლებაში დაბრუნებას ქვეყნისთვის საფრთხედ მიიჩნევს. მისი თქმით, ენმ-ს არ აქვს გააზრებული შეცდომები, რომლებიც 2012 წლამდე დაუშვა:

"ვერ გაიაზრეს რა პრობლემებია, რა შეცდომებია დაშვებული თავის დროზე. ვფიქრობ, რომ [მათი დაბრუნება] საფრთხეა ქვეყნისთვის, იქიდან გამომდინარე, რომ მათ არ აქვთ გააზრებული ის შეცდომები რაც იყო დაშვებული 2012 წლამდე. მე არ მგონია, რომ ახლა შურისძიება შურისძიებამ უნდა ჩაანაცვლოს ისევ ქვეყანაში. ორმაგი შურისძიების მსხვერპლი ისევ ქართული საზოგადოება გახდება, საქართველოს ეკონომიკა გახდება და კიდევ მეტი პრობლემა იქნება ქვეყანაში. ამიტომ ჩვენ გვჭირდება სრულიად ახალი პოლიტიკური ძალა და პაატა ბურჭულაძის ბურჭულაძის გარშემო შემოვიკრიბეთ პროფესიონალი ადამიანები ვისაც კონკრეტულად შეუძლია საქმის კეთება."

გიორგი ვაშაძემ ნაციონალური მოძრაობის დატოვების შესახებ 5 მაისს განაცხადა.

5 ივნისს ვაშაძემ პოლიტიკური პლატფორმა - ახალი საქართველო წარადგინა.

5 აგვისტოს შეიქმნა ახალი პოლიტიკური ბლოკი ვაშაძე-ჯაფარიძე-ახალი არჩევანი.

18 აგვისტოს ბურჭულაძის პარტია, გირჩი, ახალი საქართველო და ახალი მემარჯვენეები პოლიტიკურ ბლოკში გაერთიანდნენ.