"გარიცხვა ცუდი სიტყვაა, ალბათ ასეთი პოზიციებით ჩვენ გუნდში ერთად ვერ დავრჩებით", — ასე გამოეხმაურა პარლამენტის ვიცე-სპიკერი გია ვოლსკი, ფრაქციიდან იურიდიულ საკითხთა კომიტეტის ყოფილი თავმჯდომარის, ეკა ბესელიას სავარაუდო გარიცხვას.

"როგორი ფორმით მოხდება დაცილება ამას მომავალი გვიჩვენებს. ვფიქრობ, შეცდომაა და ამ შეცდომაზე ღიად უნდა ვისაუბროთ ერთმა მხარემაც და მეორემაც", — აღნიშნა დეპუტატმა.

დღეს, 10 იანვარს ქართული ოცნების თავმჯდომარემ, ბიძინა ივანიშვილმა განცხადება გაავრცელა, რომელშიც აღნიშნა, რომ ეკა ბესელია იურიდიულ საკითხთა კომიტეტის თავმჯდომარის თანამდებობიდან გადადგომის შემდეგ პარტიის პრინციპების წინააღმდეგ წავიდა

ივანიშვილის თქმით, ბესელიამ ვიცე-სპიკერად დანიშვნის შეთავაზება არასწორად დაუკავშირა უზენაესი სასამართლოს მოსამართლეების არჩევის პროცესს. პარტიის თავმჯდომარის განმარტებით, პარლამენტის თავმჯდომარის მოადგილედ ეკა ბესელიას არჩევის საკითხი დღის წესრიგიდან მოიხსნა.

ამავე თემაზე: