რუსეთის პატრიარქი კირილე მიიჩნევს, რომ ელექტრონული მოწყობილობებით ურთიერთობა ადამიანებისთვის სახიფათოა და "პიროვნების დეჰუმანიზაციას იწვევს". გარდა ამისა კირილს ტელეფონები ადამიანების კონტროლის საშუალება ჰგონია და ნარკომანიასა და ალკოჰოლიზმსაც ადარებს.

"გაჯეტების გლობალური ქსელი საშუალებას იძლევა მსოფლიო კონტროლი დამყარდეს ადამიანის რასაზე", — განაცხადა რუსული მართლმადიდებელი ეკლესიის მამამთავარმა სახელისუფლებო მედიასთან საშობაო ინტერვიუში.

მისივე აზრით, საფრთხეს წარმოადგენს არა სამეცნიერო-ტექნიკური განვითარება, არამედ "სისტემის პროგრესირებადი განვითარება, რომელიც მიმართულია პიროვნების გასაკონტროლებლად".

პატრიარქმა ისიც განაცხადა, რომ მსგავსი აზრების გამო არავინ უნდა იფიქროს, რომ ეკლესია მეცნიერულ პროგრესს ებრძვის. მისი მტკიცებით, მეცნიერების განვითარება სწორედაც ქრისტიანული რელიგიის დამსახურებაა.