პატრიარქი საშობაო ეპისტოლეში ოჯახის დანგრევის პრობლემაზე საუბრობს და ახალშექმნილ ოჯახებს დათმობისკენ მოუწოდებს. ამავე ეპისტოლეში პატრიარქი მშობლებს ურჩევს შვილები ჩხუბს განარიდონ და დაშორებით ტკივილი არ მიაყენონ მათ.

"ზოგადად, ყველამ ვიცით, რომ ოჯახი ურთიერთპატივისცემასა და სიყვარულს უნდა ეფუძნებოდეს. ყველამ ვიცით ისიც, რომ ოჯახში უსიამოვნებებიც ხდება, მაგრამ როგორც ცოლი, ისე ქმარი უნდა ეცადოს, რთული სიტუაცია მალევე განმუხტოს და, როგორც წმინდა მამები გვასწავლიან, დღე ისე არ უნდა დასრულდეს, რომ განაწყენებულებმა ერთმანეთს შენდობა არ სთხოვონ. გახსოვდეთ ისიც, რომ ჩხუბსა და დაძაბულობას შვილები უნდა განარიდოთ, მათი მგრძნობიარე სული მთელი სიმწვავით რეაგირებს ასეთ ქმედებებზე; განსაკუთრებით მძიმე კვალს კი მშობლების განშორება ტოვებს", — ნათქვამია პატრიარქის საშობაო ეპისტოლეში.

პატრიარქი ფიქრობს, რომ ყველაზე ხშირად ახლადშექნილი ოჯახები ინგრევა. ეპისტოლეში პატრიარქი წერს, რომ ამის მთავარი მიზეზი ცხოვრებისთვის მოუმზადებლობაა.

"პატარა გაუგებრობაც საკმარისი ხდება განშორებისთვის. მათ უნდა იცოდნენ, რომ თავდაპირველად უსიამოვნებები შეიძლება ჰქონდეთ, რადგან ეს არის ერთმანეთთან რეალური ურთიერთობების დაწყების პერიოდი; ეს არის ოჯახურ სივრცეში დათმობის და, ამავე დროს, შენი ღირსების დაცვის, სიყვარულის გაცემისა და მიღების, სხვისი და საკუთარი თავის პატივისცემის დამკვიდრების პერიოდი", — ვკითხულობთ საშობაო ეპისტოლეში.

პატრიარქი მოუწოდეს ოჯახებს მოძღვარი ჰყავდეთ.

ამავე თემაზე: