აშშ-ს პრეზიდენტმა, დონალ ტრამპმა ინსტაგრამზე გამოაქვეყნა ფოტოკოლაჟი წარწერით "კედელი ახლოსაა" (The Wall is Coming), რითაც გამომწერებს მექსიკის საზღვარზე კედლის მშენებლობა კიდევ ერთხელ შეახსენა. ტრამპმა საკულტო სერიალის, სამეფო კარის თამაშების სლოგანი "ზამთარი მოდის" ("Winter is Coming") გადააკეთა.

ეს პირველი შემთხვევაა არაა, როდესაც პრეზიდენტმა იდეის ორიგინალურად გადმოცემისთვის სერიალის სლოგანი გამოიყენა. 2018 წელს დონალდ ტრამპმა ირანისთვის ახალი სანქციები იმავე სტილში ტვიტერით დააანონსა — "სანქციები მოდის".

დონალ ტრამპი დიდი ხანია ცდილობს, რომ მექსიკის საზღვარზე კედლის ასაშენებლად კონგრესისგან 5 მილიარდი დოლარის გამოყოფას ითხოვს, რასაც დემოკრატიული პარტია ეწინააღმდეგება. რესპუბლიკელებსა და დემოკრატებს შორის დაპირისპირების გამო კონგრესმა ვერ დაამტკიცა ბიუჯეტი, რის გამოც ქვეყანაში ორი კვირის განმავლობაში მთავრობას მუშაობა ჰქონდა შეჩერებული.

კონგრესის წარმომადგენლობითმა პალატამ ორკვირიანი ე.წ. შათდაუნის შემდეგ მთავრობის მუშაობის განახლებას მხარი დაუჭირა. მათ, ასევე, მხარი დაუჭირეს კანონპროექტს, რომელშიც მექსიკის საზღვარზე ახალი კედლის ასაშენებელი თანხა არ იყო გათვალისწინებული.