თბილისში, ყაზტრანსგაზ-თბილისის მომხმარებლებისთვის გაზის ტარიფი მცირედით, 0,014 თეთრით შემცირდა. ტარიფი პირველი იანვრიდან შევა ძალაში. ამ საკითხზე გადაწყეტილება საქართველოს ენერგეტიკისა და წყალმომარაგების მარეგულირებელმა კომისიამ მიიღო.

მოქმედი ტარიფი 46,154 თეთრია, ახალი წლიდან კი 46,139 თეთრი გახდება. რაც იმას ნიშნავს, რომ თუ მოხმარებული გაზისთვის თვეში 100 ლარს იხდიდით, ახლა 99 ლარსა და 97 თეთრს გადაიხდით.

იმის მიუხედავად, რომ სემეკის პროექტის მიხედვით, თბილისში გაზის ტარიფი მცირდებოდა, ლეიბორისტული პარტიის ლიდერმა, შალვა ნათელაშვილმა მხარდამჭერებთან ერთად ტარიფების გაზრდა მარეგულირებელი კომისიის შენობასთან გააპროტესტა.