საქართველოს პრეზიდენტს, სალომე ზურაბიშვილს არჩევის შემდეგ 2 060 100 ლარი შეწირეს. ეს თანხა 29 ნოემბრის შემდეგ პოლიტიკური სუბიექტებისთვის შეწირული თანხების 99 პროცენტია, სხვა, დანარჩენმა სუბიექტებმა კი ჯამში 21 466 ლარი მიიღეს.

სალომე ზურაბიშვილის მაქსიმალური თანხა, 60 ათასი ლარი 15-მა ადამიანმა შეწირა, 50 ათასი — სამმა, 40 ათასი — ორმა, 30 ათასი კი ათმა.

სხვა პოლიტიკური სუბიექტებს შორის ყველაზე მეტი — 7 000 ლარი საქართველოს ქრისტიან-კონსერვატიულმა პარტიამ (შოთა მალაშხია) მიიღო, ყველაზე ცოტა, 20 ლარი კი რესპუბლიკურმა პარტიამ.

პოლიტიკური სუბიექტების შემოწირულობები ასე გადანაწილდა:

  • სალომე ზურაბიშვილი — 2 060 100 ლარი;
  • საქართველოს ქრისტიან-კონსერვატიული პარტია — 7 000 ლარი;
  • ახალი საქართველო — 6 000 ლარი;
  • ნაციონალური მოძრაობა — 5 591 ლარი;
  • ევროპული საქართველო — 1 345 ლარი;
  • თავისუფალი საქართველო — 1 000 ლარი;
  • ედპ — 500 ლარი;
  • რესპუბლიკელები — 20 ლარი;
  • გირჩი — 10 ლარი.

სალომე ზურაბიშვილი შემოწირულობებით პირველი და მეორე ტურის წინასაარჩევნო პერიოდშიც გამოირჩეოდა. ამ დრომდე ჯამში მას 12 305 502 ლარი აქვს მიღებული.