საქართველოს შინაგან საქმეთა მინისტრი, გიორგი გახარია ამბობს, რომ ხორავას ქუჩის საქმის გამოძიების პერიოდში გარკვეული საგამოძიებო მოქმედებები არ ჩატარდა. ამის შესახებ გიორგი გახარიამ პარლამენტში დეპუტატების კითხვებზე პასუხის დროს განაცხადა.

მისი თქმით, საგამოძიებო კომისიის მიზანიც სწორედ ის იყო, რომ დაედასტურებინა სამოხელეო გადაცდომის შემთხვევები ამ საქმეში, რაც ვერ შეძლო.

"დიახ, ვადასტურებ, რომ გამოძიების პერიოდში გარკვეული საგამოძიებო მოქმედებები, რომლებიც უნდა ჩატარებულიყო, ჩემი სუბიექტური აზრით, არ იყო ჩატარებული. კომისიის მუშაობის ფარგლებში ვერ შეძელით ის, რაც იყო თქვენი მიზანი და არა სისხლის სამართლის დევნის განსაზღვრა. თქვენ ვერ შეძელით დაგედასტურებინათ, რომ ეს საგამოძიებო მოქმედებები, რომელიც არ ჩატარდა იყო განზრახულად არჩატარებული. ასევე ვერ დაადასტურეთ იქონია თუ არა ამან გამოძიების შედეგებზე გავლება", — განაცხადა გიორგი გახარიამ.

გახარიას თქმით, კომისიამ "აბსოლუტურად გაუმართლებლად" დაიწყო სისხლის სამართლის პასუხისმგებლობის ძიება, და მისივე თქმით, ვერც ეს დაადგინა:

"ვერ მოიყვანთ ვერცერთ ფაქტს, რაც დაადგინა კომისიამ და იქნება ახლადგამოვლენილი ფაქტი".

გაიგე მეტი: