ჯენიფერ ლოპესმა თავისი ახალი ფილმისთვის, Second Act-სთვის დაწერილ შთამაგონებელ სიმღერაზე კლიპი გადაიღო, რომელშიც მისი 10 წლის შვილი, ემაც მონაწილეობს.

როგორც ჯეი-ლოსგან იყო მოსალოდნელი, კლიპი ქორეოგრაფიული შტრიხებითაა გამდიდრებული. თუმცა, ვიდეოს საუკეთესო ნაწილი ისაა, როცა კადრში მისი 10 წლის შვილი ჩნდება.

კლიპის მიხედვით, ემა დედას სარკეა. ორივე მათგანი ერთმანეთის მსგავს სამოსს ატარებს, ჯენიფერი კი მღერის: I am a woman who roars [მე ვარ ქალი, რომელიც გრგვინავს], I am a woman saying I want more [მე ვარ ქალი, რომელსაც მეტი სურს], და I'm limitless [მე შეუზღუდავი ვარ].

ლოპესმა ოქტომბრის ბოლოს InStyle-თან ინტერვიუში თქვა, რომ ამბიციებსა და ოცნებებს დიდი წარმატების მოტანა შეუძლია:

"ამბიციები რომ არ მქონოდა, სკოლის დასრულების შემდეგ დავქორწინდებოდი, შვილები მეყოლებოდა და ჩემი დეიდასავით ბანკში დავსაქმდებოდი. მაგრამ მე განსხვავებული ოცნებები და იდეები მქონდა".

ფოტო: Anthony Maule / InStyle

ფოტო: Anthony Maule / InStyle